Published : 24 Jul 2021 01:05 IST

ts politics: కొవిడ్‌ మరణాల్లో తేడా.. బాధితులకు ద్రోహం చేయడమే!

హైదరాబాద్‌: కొవిడ్‌ మరణాలపై వాస్తవాలను వెలికితీసేందుకు డెత్‌ రిపోర్టు ఆడిట్‌ కమిటీ ఏర్పాటు చేయాలని ఏఐసీసీ అధికార ప్రతినిధి దాసోజు శ్రవణ్‌కుమార్‌ డిమాండ్‌ చేశారు. కొవిడ్‌ మరణాలను తక్కువ చేసి చూపడాన్ని నిరసిస్తూ రాష్ట్ర ప్రభుత్వ ప్రధాన కార్యదర్శి సోమేశ్‌ కుమార్‌కు ఆయన లేఖ రాశారు. సుప్రీం కోర్టు తీర్పు మేరకు.. కేంద్ర ప్రభుత్వం ఇవ్వనున్న పరిహారానికి అర్హులయ్యేందుకు వీలుగా కొవిడ్‌ మరణాల లెక్కలు సరి చేయాలని విజ్ఞప్తి చేశారు. 

మొత్తం ఏడాదిన్నర కాలంలో 3,715 చావులే అని చెప్పడం పచ్చి అబద్ధమని, అలా చెప్పడం నేరమని లేఖలో పేర్కొన్నారు. దాదాపు లక్షన్నర మంది చనిపోతే.. కేవలం 3,715 మంది మాత్రమే చనిపోయినట్టు చూపడం రాజ్యాంగాన్ని ఉల్లంఘించడమే అవుతుందని ఆరోపించారు. ఆరోగ్యశాఖ ఉన్నతాధికారులు శ్రీనివాసరావు, రమేశ్‌రెడ్డి అబద్ధాల కోరులని విమర్శించారు. ప్రభుత్వానికి తొత్తులుగా మారి.. తప్పుడు లెక్కలు చూపి అంతా బాగున్నట్టు భ్రమలు కల్పిస్తున్నారని ధ్వజమెత్తారు. తప్పుడు లెక్కలు చూపిన ఆరోగ్యశాఖ ఉన్నతాధికారులపై చట్టప్రకారం చర్యలు తీసుకొని, క్రిమినల్‌ కేసులు నమోదు చేయాలని డిమాండ్‌ చేశారు. మనుషుల ప్రాణాలు కాపాడడంలో విఫలమైన రాష్ట్ర ప్రభుత్వం చావుల్లో కూడా అబద్ధపు లెక్కలు చూపి బాధిత కుటుంబాలకు ద్రోహం చేస్తోందని విమర్శించారు.

Read latest Politics News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని