AP Politics: పవన్‌ రాజకీయాల్లో కంటే నటనలోనే గొప్పవాడు: ధర్మాన కృష్ణదాస్‌

శ్రీకాకుళం అర్బన్‌, న్యూస్‌టుడే: జనసేన పార్టీ అధినేత పవన్‌కల్యాణ్‌ రాజకీయాల్లో కంటే నటనలోనే గొప్పవాడని, రాజకీయాల కోసం ఆయన ఎంత తక్కువ మాట్లాడితే అంత మంచిదని ఉపముఖ్యమంత్రి ధర్మాన కృష్ణదాస్‌ పేర్కొన్నారు. శ్రీకాకుళం నగరంలో శుక్రవారం చేనేత వస్త్ర ప్రదర్శనను సందర్శించిన అనంతరం ఆయన మాట్లాడారు. పవన్‌ కల్యాణ్‌ అంటే తనకు వ్యక్తిగతంగా ఇష్టమన్నారు. జగన్‌మోహన్‌ రెడ్డిని విమర్శించే ముందు పవన్‌కల్యాణ్‌, లోకేశ్‌ ఆలోచించుకోవాలని హితవుపలికారు. కృష్ణా నదీజలాల్లో రాష్ట్రానికి రావాల్సిన వాటాలు వదులుకోవడానికి ప్రభుత్వం సిద్ధంగా లేదన్నారు. కొవిడ్‌ సమయంలో అధికారుల పర్యవేక్షణ లోపం కారణంగా స్టాంపుల కుంభకోణం జరిగిందని చెప్పారు. దీనిపై పూర్తిస్థాయిలో విచారణ జరుపుతామని వివరించారు.