PM Race: ఇప్పుడే అన్నీ చెప్పేస్తే తర్వాత ఏముంటుంది..? మమతా బెనర్జీ
పశ్చిమ బెంగాల్ ముఖ్యమంత్రిగా వరుసగా మూడోసారి బాధ్యతలు చేపట్టిన మమతా బెనర్జీ.. ప్రధానమంత్రి రేసులో ఉన్నారనే వార్తలు గత కొంతకాలంగా వినిపిస్తున్నాయి.
ప్రధానమంత్రి రేసుపై దీదీ దాటవేత ధోరణి
పనాజీ: పశ్చిమ బెంగాల్ ముఖ్యమంత్రిగా వరుసగా మూడోసారి బాధ్యతలు చేపట్టిన మమతా బెనర్జీ.. ప్రధానమంత్రి రేసులో ఉన్నారనే వార్తలు గత కొంతకాలంగా వినిపిస్తున్నాయి. ముఖ్యంగా 2024 పార్లమెంటు ఎన్నికల్లో ప్రధాన మంత్రి పదవికి దీదీ పోటీ పడతారని ఊహాగానాలు వెలువడుతున్నాయి. ఈ విషయంపై తృణమూల్ పార్టీ కానీ, మమతా బెనర్జీ కానీ ఇప్పటివరకూ అధికారికంగా ఎటువంటి ప్రకటన చేయలేదు. తాజాగా గోవా పర్యటనలో ఉన్న దీదీకి ఇదే ప్రశ్న మరోసారి ఎదురయ్యింది. ఈసారి కూడా దాటవేత ధోరణి ప్రదర్శించిన మమత.. ‘ఇప్పుడే అన్నీ చెప్పేస్తే తర్వాత ఏముంటుంది’ అంటూ సమాధానమిచ్చారు.
బెంగాల్లో హ్యాట్రిక్ విజయం సాధించిన మమతా బెనర్జీ.. జాతీయ రాజకీయాల్లోనూ కీలక పాత్ర పోషించాలని భావిస్తున్నట్లు రాజకీయ విశ్లేషకులు చెబుతున్నారు. ఈ నేపథ్యంలోనే పలు రాష్ట్రాల్లో తృణమూల్ కాంగ్రెస్ను విస్తరించేందుకు ప్రయత్నాలు చేస్తున్నట్లు వివరిస్తున్నారు. ఇందులో భాగంగా మమతా బెనర్జీ తాజాగా గోవాలో మూడురోజుల పర్యటన చేపట్టారు. ఈ సందర్భంగా వచ్చే లోక్సభ ఎన్నికలను దృష్టిలో పెట్టుకొనే గోవా అసెంబ్లీ ఎన్నికల్లో తృణమూల్ కాంగ్రెస్ పోటీకి దిగుతోందా? అని మమతను విలేకరులు ప్రశ్నించారు. ఇందుకు నేరుగా స్పందించని దీదీ.. 2024 ఎన్నికల్లో పోటీలో ఉంటామని మాత్రమే సమాధానమిచ్చారు. ‘మేం పారదర్శకంగా ఉంటాం. దాగుడుమూతలు ఆడం’ అని అన్నారు. ప్రధానమంత్రి పదవికి ఎందుకు పోటీ చేయకూడదని మరో విలేకరి ప్రశ్నించగా.. మీతోపాటు ఎవరైనా పోటీ చేయవచ్చని ఆమె సమాధానం దాటవేసే ప్రయత్నం చేశారు.
ఎన్నికల్లో గెలిచినా.. ఓడినా దేశ రాజకీయాల నుంచి భాజపా ఎక్కడికీ పోదని గోవాలో తృణమూల్ పార్టీకి ఎన్నికల వ్యూహకర్తగా ఉన్న ప్రశాంత్ కిశోర్ ఈ మధ్యే వ్యాఖ్యానించారు. మరికొన్ని దశాబ్దాల పాటు దేశ రాజకీయాల్లో భాజపా క్రియాశీలకంగానే ఉంటుందని చెప్పడం ఆసక్తిగా మారింది. ఇదే విషయంపై మమతా బెనర్జీని ప్రశ్నించగా.. ఆ విషయాన్ని ఆయననే అడగండంటూ సమాధానమిచ్చారు. అయితే, ప్రతిపక్షం సరిగా వ్యవహరించకుంటే భాజపా అలాగే ఉంటుందనే అర్థంలో ప్రశాంత్ కిశోర్ చెప్పి ఉండవచ్చని మమత సమర్థించుకునే ప్రయత్నం చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
సీఎంపై గులకరాయి వేసినా పట్టుకుంటారు... ఆయన బాబాయ్ను గొడ్డలితో నరికినా పట్టదా?
‘సీఎం జగన్పై గులకరాయితో దాడి జరిగిన నిమిషాల్లోనే నిందితుడిని అదుపులోకి తీసుకున్నారు.. మాజీ మంత్రి వైఎస్ వివేకానందరెడ్డిని క్రూరంగా నరికి..నరికి చంపి 5 ఏళ్లు గడిచినా ఇప్పటికీ న్యాయం జరగలేదు’ అని వివేకా కుమార్తె సునీత ఆవేదన వ్యక్తం చేశారు. -
కంటోన్మెంట్ కాంగ్రెస్కు సర్వే గండి
ఒకవైపు కాంగ్రెస్ పార్టీ భారాస, భాజపా నేతలను పార్టీలోకి చేర్చుకొనే ప్రయత్నాలు చేస్తుంటే.. మరోవైపు ఆ పార్టీ సీనియర్ నేతలు కొందరు అధిష్ఠానంపై తీవ్ర అసంతృప్తితో రగిలిపోతున్నారు.
తాజా వార్తలు (Latest News)
-
విమానాలు రద్దయితే ఆటోమేటిక్ రిఫండ్.. అమెరికాలో కొత్త నిబంధనలు
-
హైదరాబాద్కు ‘ఉప్పల్’ అడ్డా.. బెంగళూరుపై ఈసారి స్కోరెంత?
-
గీత రచయిత పాటల హక్కు కోరితే ఏమవుతుంది?: ఇళయరాజా కేసులో హైకోర్టు ప్రశ్న
-
నష్టాల్లో స్టాక్ మార్కెట్ సూచీలు.. 22,350 దిగువకు నిఫ్టీ
-
ప్రైవేటు ఆస్తి.. సమాజ వనరు కాదని అనలేం: సుప్రీంకోర్టు వ్యాఖ్య
-
పతి దేవుడికి గుడి కట్టింది!