Huzurabad By Election: ఈటలది బయట బీసీ కార్డు.. లోపల ఓసీ కార్డు: శ్రీనివాస్‌గౌడ్

హుజూరాబాద్‌: మంత్రి పదవిలో ఉన్నప్పుడే ఈటల రాజేందర్‌ హుజూరాబాద్‌ నియోజకవర్గానికి ఏమీ చేయలేదని.. ఎమ్మెల్యేగా గెలిస్తే ఏం చేస్తారని మంత్రి శ్రీనివాస్‌గౌడ్‌ ప్రశ్నించారు. ఈటలను తెలంగాణకు పరిచయం చేసింది సీఎం కేసీఆరేనని చెప్పారు. ఉప ఎన్నిక ప్రచారంలో భాగంగా హుజూరాబాద్‌ వచ్చిన ఆయన.. మీడియాతో మాట్లాడారు. అవినీతి ఆరోపణలు ఈటలపైనే ఎందుకొచ్చాయని శ్రీనివాస్‌గౌడ్‌ ప్రశ్నించారు. ఆయనది బయట బీసీ కార్డు.. లోపల ఓసీ కార్డు అని ఎద్దేవా చేశారు. 

మరోవైపు హుజూరాబాద్‌ ఉప ఎన్నిక ప్రచారానికి నేడే చివరి రోజు కావడంతో ప్రధాన పార్టీల నేతలు తమ అభ్యర్థుల గెలుపుకోసం తీవ్రంగా శ్రమిస్తున్నారు. తెరాస, భాజపా, కాంగ్రెస్‌ పార్టీల నుంచి ముఖ్యనేతలంతా నియోజకవర్గంలో ప్రచారం నిర్వహిస్తున్నారు. ఈ రోజు రాత్రి 7 గంటలతో ప్రచార గడువు ముగియనుంది. ఈనెల 30న ఎన్నికల పోలింగ్‌ నిర్వహించి నవంబర్‌ 2న ఓట్ల లెక్కింపు చేపట్టనున్నారు.