Raghurama: కోర్టు తీర్పు రాకముందే ఎలా చెప్పగలుగుతున్నారు?: రఘురామ

దిల్లీ: వైకాపా ఎంపీ విజయసాయిరెడ్డి విదేశీ పర్యటనకు అనుమతివ్వడం సమంజసం కాదని నర్సాపురం ఎంపీ రఘురామకృష్ణరాజు అన్నారు. తీరప్రాంతాల్లో అధ్యయనానికి వెళ్తున్నానని విజయసాయి చెప్పారని.. విశాఖ తీర ప్రాంతం ఎంతవరకు బాగుపడుతుందో చూద్దామని వ్యాఖ్యానించారు. దిల్లీలో నిర్వహించిన మీడియా సమావేశంలో రఘురామ మాట్లాడారు. ఈ సందర్భంగా వైకాపా నేతలను ఉద్దేశించి విమర్శలు చేశారు.

‘‘నేనేదో విదేశాలకు పారిపోతానని ప్రచారం చేశారు. ఇప్పుడెవరు వెళ్తున్నారు? వారి మనసులో ఉన్న విషయాలను అందరిపై ఆపాదిస్తున్నారు. కోర్టు తీర్పు రాకముందే కొన్ని విషయాలు ఎలా చెప్పగలుగుతున్నారు? ఈ అంశంపై విచారణ చేపట్టాల్సిందిగా కోర్టులో పిటిషన్‌ దాఖలు చేస్తా’’ అని ఆయన చెప్పారు.