Chandrababu Naidu: చంద్రబాబును పరామర్శించిన సోనూసూద్‌

ఇంటర్నెట్‌ డెస్క్‌: ఆంధ్రప్రదేశ్‌ శాసనసభలో ఇటీవల జరిగిన పరిమాణాలపై నటుడు సోనూసూద్‌ విచారం వ్యక్తం చేశారు. మానసికంగా ఎంతో బాధపడుతున్న తెదేపా అధినేత చంద్రబాబు నాయుడును ఆయన ఫోన్‌లో పరామర్శించారు. ప్రజా సమస్యల పరిష్కారానికి వేదికైన శాసనసభలో జరిగిన సంఘటన దురదృష్టకరమన్నారు. దేవాలయంలాంటి అసెంబ్లీలో విధ్వంస ధోరణి మంచిదికాదన్నారు. హైదరాబాద్‌ వచ్చినప్పుడు చంద్రబాబును కలుస్తానని తెలిపారు. అసెంబ్లీలో శుక్రవారం పలువురు నేతలు తన సతీమణి భువనేశ్వరిని దూషించారని చంద్రబాబు ఆవేదన వ్యక్తం చేసిన సంగతి తెలిసిందే. ఆయన ఎప్పుడూ లేనంతగా భావోద్వేగానికి గురై వెక్కి వెక్కి ఏడవడం రాజకీయ, సినీ ప్రముఖుల్ని కలచివేసింది. దీనిపై పలువురు సామాజిక మాధ్యమాల దిగ్భ్రాంతి వ్యక్తం చేశారు. రజనీకాంత్‌ ఆదివారం ఉదయం చంద్రబాబుతో ఫోన్ ద్వారా మాట్లాడారు.