AP Assembly: కాలినడకన అసెంబ్లీకి వెళ్లిన చంద్రబాబు, తెదేపా ఎమ్మెల్యేలు

అమరావతి: ఏపీలో నిత్యావసర ధరల పెరుగుదలను నిరసిస్తూ తెదేపా అధినేత చంద్రబాబు సహా ఆ పార్టీ ఎమ్మెల్యేలు, ఎమ్మెల్సీలు నిరసన తెలిపారు. కాలినడకన అసెంబ్లీకి వెళ్లారు. ప్రజలకు భారంగా మారిన పెట్రోలు, డీజిల్‌ ధరలను తగ్గించాలని.. చెత్తపై పన్ను వంటి నిర్ణయాలను వెనక్కి తీసుకోవాలని డిమాండ్‌ చేస్తూ ప్లకార్డులు ప్రదర్శించారు. వైకాపా పాలనలో సామాన్యులు చితికి పోతున్నారని తెదేపా అధినేత చంద్రబాబు మండిపడ్డారు. రాష్ట్రంలో విద్యుత్‌ ఛార్జీలు కూడా అధికంగా ఉన్నాయని ఆయన ఆరోపించారు. అంతకుముందు వెంకటపాలెంలో తెదేపా వ్యవస్థాపకుడు ఎన్టీఆర్‌ విగ్రహానికి చంద్రబాబు పూలమాల వేసి నివాళులర్పించారు.