AP Politics: దళితుల అభివృద్ధిపై చర్చకు సిద్ధమా?: నక్కా ఆనంద్‌బాబు

గుంటూరు: ఆంధ్రప్రదేశ్‌లో ఎవరి హయాంలో దళితుల అభివృద్ధి జరిగిందో చర్చకు సిద్ధమా?అని మాజీ మంత్రి నక్కా ఆనంద్‌బాబు సవాల్‌ విసిరారు. విజయవాడలో తెదేపా తలపెట్టిన దళిత ప్రతిఘటన ర్యాలీకి బయల్దేరిన ఆనంద్‌బాబును గుంటూరులోని నివాసం వద్దే పోలీసులు అడ్డుకున్నారు. తెదేపా పొలిట్‌బ్యూరో సభ్యుడు వర్లరామయ్యను విజయవాడలో, మాజీ ఎమ్మెల్యే తంగిరాల సౌమ్యను నందిగామలో పోలీసులు గృహనిర్బంధం చేశారు. ఎస్సీల హక్కులు కాలరాయడమే జగన్‌ ఎజెండాగా మారిందని మాజీ మంత్రి జవహర్‌ దుయ్యబట్టారు.

‘‘దళిత ప్రతిఘటన ర్యాలీకి పోలీసులు అనుమతివ్వకపోవడం అప్రజాస్వామికం. వైకాపా రెండేళ్ల పాలనలో ఎస్సీలపైనే ఎక్కువగా దాడులు జరిగాయి. ఎస్సీ, ఎస్టీ ఉప ప్రణాళిక నిధులను దారి మళ్లిస్తున్నారు’’ అని ఆనంద్‌బాబు ఆరోపించారు.