ts politics: ఈటల రాజేందర్‌ పర్యటనలో ఉద్రిక్తత

కరీంనగర్‌: జిల్లాలోని వీణవంక మండలం వల్బాపూర్‌లో మాజీమంత్రి, ఈటల రాజేందర్‌ సోమవారం పర్యటించారు.  ఈ సందర్భంగా అక్కడ ఉద్రికత్త చోటు చేసుకుంది. రాజేందర్‌ సమక్షంలో పలువురు కార్యకర్తలు భాజపాలో చేరారు. భాజపాలో చేరుతున్న వారిని స్పెషల్‌ బ్రాంచ్‌ ఏఎస్‌ఐ బాపిరెడ్డి ఫొటోలు తీశారు. ఇది గమనించిన భాజపా కార్యకర్తలు.. ఫొటోలు ఎందుకు తీశారు..? అంటూ ఏఎస్‌ఐతో వాగ్వాదానికి దిగారు. ఆయన సెల్‌ఫోన్‌ లాక్కొని.. చొక్కాపట్టుకుని లాగారు. తోపులాటలో ఏఎస్‌ఐ బాపిరెడ్డి చొక్కా చిరిగింది. దీంతో ఆగ్రహానికి గురైన ఏఎస్‌ఐ స్థానిక పోలీసులకు ఫిర్యాదు చేశారు. పోలీసులకు వ్యతిరేకంగా భాజపా శ్రేణులు నినాదాలు చేయడంతో పరిస్థితి ఉద్రిక్తంగా మారింది.