AP News: అశోక్ గజపతిరాజుపై రెండు సెక్షన్ల కింద కేసులు

నెల్లిమర్ల: కేంద్ర మాజీ మంత్రి, తెదేపా సీనియర్‌ నేత పూసపాటి అశోక్‌ గజపతిరాజుపై విజయనగరం జిల్లా నెల్లిమర్ల పోలీసులు కేసులు నమోదు చేశారు. నిన్న నెల్లిమర్ల మండలం రామతీర్థం బోడికొండపై కోదండరాముని ఆలయ పునర్నిర్మాణ శంకుస్థాపనలో ఉద్రిక్తత చోటుచేసుకుంది. ఘటన నేపథ్యంలో రామతీర్థం ఆలయ ఈవో ప్రసాద్‌రావు అశోక్‌పై నెల్లిమర్ల పీఎస్‌లో ఫిర్యాదు చేశారు. దీంతో పోలీసులు ఆలయ ధర్మకర్త అశోక్‌పై రెండు సెక్షన్ల కింద కేసులు నమోదు చేశారు. ప్రభుత్వ విధులకు ఆటంకం, ఆస్తి ధ్వంసం, గందరగోళం సృష్టించారని కేసులు నమోదయ్యాయి. శంకుస్థాపన కార్యక్రమంలో ప్రొటోకాల్‌ పాటించలేదని అశోక్‌ నిన్న ఆగ్రహం వ్యక్తం చేశారు. ఆలయ సిబ్బంది తీసుకొస్తున్న శిలాఫలకాన్ని నెట్టే ప్రయత్నం చేసిన విషయం తెలిసిందే.