Harish rao: త్వరలో నేతన్న బీమా తీసుకొస్తాం: హరీశ్‌ రావు

హుజూరాబాద్‌: పనిచేసే ప్రభుత్వాన్ని నిండు మనసుతో ఆశీర్వదించాలని హుజూరాబాద్‌ నియోజకవర్గ ప్రజలను మంత్రి హరీశ్‌రావు కోరారు. భాజపా నేతలవి మాటలే తప్ప రాష్ట్రాభివృద్ధికి చేసిందేమీ లేదన్నారు. హుజూరాబాద్‌ నియోజకవర్గ పరిధిలోని చేనేత కార్మికులకు ఆర్థిక చేయూత కోసం చెక్కులను పంపిణీ చేశారు. నేతన్నల సంక్షేమానికి చేపట్టిన అభివృద్ధి పనులను మంత్రి వివరించారు. ‘‘నష్టపోయిన కార్మిక కుటుంబాలకు భరోసా ఇవ్వడానికి రూ.5 లక్షల నేతన్న బీమా కార్యక్రమాన్ని త్వరలో ప్రభుత్వం తీసుకువస్తోంది. రైతు బీమా తరహాలోనే నేతన్న బీమా, గీతన్న బీమా, మత్స్యకారుల బీమాను చేపట్టనుందన్నారు. రానున్న రోజుల్లో సొంత స్థలాల్లో డబుల్ బెడ్‌ రూమ్‌ ఇళ్లను కట్టించి ఇవ్వాలని తెరాస సన్నాహాలు చేస్తోంది’’ అని మంత్రి తెలిపారు.