Raghurama: ఇది ప్రజా విజయం: రఘురామ 

దిల్లీ: మూడు రాజధానుల బిల్లును ఏపీ ప్రభుత్వం ఉపసంహరించుకోవడంపై  వైకాపా ఎంపీ రఘురామకృష్ణరాజు ఆనందం వ్యక్తం చేశారు. ఇది ప్రజా విజయమని తెలిపారు. దిల్లీలో ఆయన మీడియాతో మాట్లాడారు. బిల్లు ఉపసంహరణ ప్రభుత్వం తీసుకున్న ప్రజా వ్యతిరేక నిర్ణయంపై సాధించిన విజయమని రఘురామ అభివర్ణించారు.

మూడు రాజధానులకు వ్యతిరేకంగా నిరంతరం పోరాటం చేసిన రైతులు, వారికి సహకరించిన వారికి ఆయన అభినందనలు తెలిపారు. ఈ నిర్ణయంపై మళ్లీ వెనక్కి వెళ్లకుండా రాజధానులు మూడు కాదు రెండు అని ఎటువంటి అనాలోచిత నిర్ణయాలు తీసుకోవద్దని సూచించారు. గత ప్రభుత్వం ప్రకటించిన రాజధానిని అభివృద్ధి చేయాలని ఆయన కోరారు.