AP News: చంద్రబాబు సంగతి తెలిసే అమిత్‌షా అపాయింట్‌మెంట్‌ ఇవ్వలేదు: విజయసాయి

దిల్లీ: తెదేపా అధినేత చంద్రబాబు సంగతి తెలిసే కేంద్ర హోంమంత్రి అమిత్‌షా అపాయింట్‌మెంట్‌ ఇవ్వలేదని వైకాపా ఎంపీ విజయసాయిరెడ్డి వ్యాఖ్యానించారు. దిల్లీలో మీడియాతో మాట్లాడిన ఆయన చంద్రబాబు దిల్లీ పర్యటనపై తీవ్రస్థాయిలో విమర్శలు చేశారు. ‘‘చంద్రబాబు ఎందుకు దిల్లీ వచ్చారో చెప్పాలి. దిల్లీలో వ్యవస్థలను ప్రభావితం చేసేందుకు వచ్చారా?ఏపీ పరువు తీసేందుకే దిల్లీ వచ్చారా?పట్టాభి తిట్లను సమర్థిస్తున్నారా?ఏపీలో రాష్ట్రపతి పాలన విధించే పరిస్థితులు లేవు. చంద్రబాబే ఒక ఉగ్రవాది. దిల్లీలో ఆయనకు ఎవరూ సమయం ఇవ్వట్లేదు’’ అని విజయసాయిరెడ్డి అన్నారు. ఏపీలో ప్రభుత్వ ప్రేరేపిత ఉగ్రవాదం నడుస్తోందని.. ఏక కాలంలో తెదేపా కార్యాలయాలపై దాడులకు పాల్పడ్డారని చంద్రబాబు ఇటీవల రాష్ట్రపతి రామ్‌నాథ్‌ కోవింద్‌కు ఫిర్యాదు చేసిన విషయం తెలిసిందే.