Nara Lokesh: ప్రొద్దుటూరులో లోకేశ్‌పై కోడిగుడ్డు విసిరిన ఆకతాయి.. దేహశుద్ధి చేసిన కార్యకర్తలు

ప్రొద్దుటూరు: తెదేపా జాతీయ ప్రధాన కార్యదర్శి నారా లోకేశ్‌ యువగళం పాదయాత్రకు జనం భారీగా తరలిరావడంతో వైకాపా శ్రేణులు కవ్వింపు చర్యలకు పాల్పడ్డారు. బహిరంగ సభ ముగిసిన తర్వాత లోకేశ్‌ పాదయాత్రగా వెళ్తున్న మార్గంలో వైకాపా కార్యకర్త కోడిగుడ్డు విసిరారు. ఆ గుడ్డు లోకేశ్‌ భద్రతా సిబ్బందిపై పడింది. దీనిపై తీవ్ర ఆగ్రహం వ్యక్తం చేసిన తెదేపా నాయకులు, కార్యకర్తలు .. గుడ్డు విసిరిన వైకాపా కార్యకర్తకు దేహశుద్ధి చేశారు. పోలీసులు వైకాపా కవ్వింపు చర్యల్ని అడ్డుకోకపోవడంపై లోకేశ్‌ మండిపడ్డారు. పోలీసులతో వాగ్వాదానికి దిగారు. ఘటనా స్థలంలోనే ఆగి నిరసన తెలిపారు. పోలీసులు సర్దిచెప్పడంతో లోకేశ్‌ విడిది కేంద్రానికి వెళ్లారు.