Published : 21 Aug 2021 23:18 IST

Congress: ఈశాన్యంలో కాంగ్రెస్‌కు మరో షాక్‌.. త్రిపుర చీఫ్‌ రాజీనామా

అగర్తల: ఈశాన్య రాష్ట్రాల్లో పూర్వ వైభవం కోరుకుంటున్న కాంగ్రెస్‌ పార్టీకి మరో ఎదురుదెబ్బ తగిలింది. ఆ పార్టీ త్రిపుర రాష్ట్ర అధ్యక్షుడు పీజూష్‌ విశ్వాస్‌ అధ్యక్ష పదవికి రాజీనామా చేశారు. రాజకీయాల నుంచి కూడా వైదొలుగుతున్నట్లు ప్రకటించారు. పార్టీ చీఫ్‌గా ఇన్నాళ్లు పనిచేసిన తనకు సహకరించిన పార్టీ నేతలకు, పార్టీ అధ్యక్షురాలు సోనియాగాంధీకి కృతజ్ఞతలు తెలిపారు. అయితే, అధ్యక్ష పదవికి రాజీనామా చేసిన పిజూష్‌ విశ్వాస్‌ తృణమూల్‌ కాంగ్రెస్‌లో చేరుతారని ప్రచారం జరుగుతోంది. ఇప్పటికే అసోంకు చెందిన కాంగ్రెస్ నేత, పార్టీ మహిళా విభాగం అధ్యక్షురాలు సుష్మితా దేవ్‌ తృణమూల్‌లో చేరారు.

బెంగాల్‌లో వరుసగా మూడోసారి అధికారంలోకి వచ్చిన తృణమూల్‌ కాంగ్రెస్‌ ఊపు మీద ఉంది. కేవలం బెంగాల్‌లోనే కాకుండా ఇరుగుపొరుగు రాష్ట్రాలకు కూడా పార్టీని విస్తరించాలని నిర్ణయించింది. ఇందులో భాగంగా పలువురు తృణమూల్‌ కార్యకర్తలు అగర్తల వీధుల్లో ‘ఖేలా హోబె’ (ఆట మొదలైంది) నినాదాలతో ఇటీవల హోరెత్తించారు. భాజపాను ఓడించేందుకు కలిసి రావాలని సీపీఎం సహా ఇతర పార్టీ నేతలను ఆహ్వానిస్తున్నారు. కొందరు కాంగ్రెస్‌ నేతలు ఇప్పటికే టీఎంసీలో చేరారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

సుఖీభవ

మరిన్ని