Munugode Bypoll: మునుగోడు ఉపఎన్నిక.. తెరాస అభ్యర్థిని ఖరారు చేసిన కేసీఆర్

త్వరలో జరగనున్న మునుగోడు ఉప ఎన్నికకు అభ్యర్థిని తెరాస ఖరారు చేసింది. ఈ మేరకు ఆ పార్టీ అధినేత, సీఎం కేసీఆర్‌ నిర్ణయం తీసుకున్నారు.

Updated : 07 Oct 2022 13:52 IST

హైదరాబాద్‌: త్వరలో జరగనున్న మునుగోడు ఉప ఎన్నికకు అభ్యర్థిని తెరాస ఖరారు చేసింది. ఈ మేరకు ఆ పార్టీ అధినేత, సీఎం కేసీఆర్‌ నిర్ణయం తీసుకున్నారు. మాజీ ఎమ్మెల్యే కూసుకుంట్ల ప్రభాకర్‌రెడ్డిని తెరాస అభ్యర్థిగా ప్రకటించారు. మునుగోడు టికెట్‌ కోసం పార్టీలోని సీనియర్‌ నేతలు ప్రయత్నించగా.. సుదీర్ఘ చర్చల అనంతరం పార్టీ అధిష్ఠానం కూసుకుంట్లవైపు మొగ్గు చూపింది. ఎమ్మెల్యే పదవికి కోమటిరెడ్డి రాజగోపాల్‌రెడ్డి రాజీనామా చేయడంతో ఉప ఎన్నిక అనివార్యమైంది.

మునుగోడు ఉప ఎన్నికకు ఇటీవలే కేంద్ర ఎన్నికల సంఘం షెడ్యూల్‌ విడుదల చేసింది. నవంబర్‌ 3న పోలింగ్‌ నిర్వహించి నవంబర్‌ 6న ఓట్ల లెక్కింపు చేపట్టనున్నారు. ఎలాగైనా మునుగోడు స్థానాన్ని దక్కించుకోవాలని అధికార తెరాసతో పాటు భాజపా, కాంగ్రెస్‌ తీవ్రంగా ప్రయత్నిస్తున్నాయి. ఇప్పటికే కాంగ్రెస్‌ పార్టీ తమ అభ్యర్థిగా పాల్వాయి స్రవంతిని ప్రకటించింది. మాజీ ఎమ్మెల్యే కోమటిరెడ్డి రాజగోపాల్‌రెడ్డి అభ్యర్థిత్వాన్ని భాజపా దాదాపుగా ఖరారు చేసింది. అయితే ఆ పార్టీ ఇంకా అధికారికంగా వెల్లడించాల్సి ఉంది. ఈ నేపథ్యంలో తెరాస తమ అభ్యర్థిగా కూసుకుంట్ల పేరును ప్రకటించింది. 2014 ఎన్నికల్లో తెరాస తరఫున కూసుకుంట్ల ఎమ్మెల్యేగా విజయం సాధించారు. 2018 ఎన్నికల్లో కోమటిరెడ్డి రాజగోపాల్‌రెడ్డి చేతిలో ఓటమి పాలయ్యారు.

Read latest Politics News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని