Telangana News: రాజ్యసభ స్థానాలకు తెరాస అభ్యర్థులు నామినేషన్‌

హైదరాబాద్: రాజ్యసభ స్థానాలకు తెరాస అభ్యర్థులు బండి పార్థసారథి రెడ్డి, డి.దామోదర్ రావు నామినేషన్లు దాఖలు చేశారు. డి.శ్రీనివాస్, కెప్టెన్ లక్ష్మీకాంతరావు స్థానాల భర్తీ కోసం అసెంబ్లీ కార్యాలయంలో ఇవాళ ఇద్దరూ రెండు సెట్ల నామినేషన్లు దాఖలు చేశారు. మంత్రులు తలసాని శ్రీనివాస్ యాదవ్, సబితా ఇంద్రారెడ్డి, వేముల ప్రశాంత్‌ రెడ్డి, గంగుల కమలాకర్, పలువురు ఎమ్మెల్యేలు, ఎమ్మెల్సీలు నామినేషన్ దాఖలు కార్యక్రమానికి హాజరయ్యారు. ఈనెల 31 వరకు నామినేషన్ల గడవు ఉంది. నామినేషన్ల ఉపసంహరణ గడువు ముగిసిన తర్వాత జూన్ 3న పార్థసారథి, దామోదర్ రావు ఎన్నికను అధికారికంగా ప్రకటించనున్నారు. జూన్ 21న డీఎస్, లక్ష్మీకాంతరావు పదవీకాలం ముగిసిన తర్వాత... పార్థసారథి రెడ్డి, దామోదర్ రావు వారి స్థానంలో బాధ్యతలు తీసుకుంటారు.