Telangana news : రాష్ట్ర ప్రయోజనాల కోసం గట్టిగా పోరాడండి : సీఎం కేసీఆర్‌

రాష్ట్రపతి ప్రసంగానికి దూరంగా ఉండాలని తెరాస నిర్ణయం

హైదరాబాద్‌: రాష్ట్ర ప్రయోజనాల కోసం పార్లమెంట్‌లో గట్టిగా పోరాడాలని తెలంగాణ సీఎం కేసీఆర్‌ పార్టీ ఎంపీలకు సూచించారు. కేంద్ర బడ్జెట్‌ సమావేశాలు ప్రారంభం కానున్న నేపథ్యంలో పార్లమెంట్‌లో అనుసరించాల్సిన వ్యూహంపై ఎంపీలతో ఆయన చర్చించారు. పార్లమెంట్‌లో తెలంగాణ వాణిని బలంగా వినిపించాలని దిశానిర్దేశం చేశారు. కేంద్రం నుంచి సాధించాల్సిన పెండింగ్‌ అంశాలతోపాటు, రావాల్సిన అంశాలపై రాష్ట్ర ప్రభుత్వం రూపొందించిన నివేదికను ఎంపీలకు ఇచ్చారు. తెలంగాణకు కేంద్రం చేసిందేమీ లేదని, చట్టపరంగా, న్యాయపరంగా రావాల్సినవి కూడా రాలేదని ఈ సందర్భంగా సీఎం వ్యాఖ్యానించారు.మరోవైపు కేంద్ర బడ్జెట్‌ చూసి అందుకనుగుణంగా స్పందిస్తామని తెరాస ఎంపీ రంజిత్‌రెడ్డి అన్నారు. సీఎం కేసీఆర్‌ కేంద్రం దృష్టికి ఇప్పటికే పలు అంశాలను తీసుకెళ్లారని, 23 అంశాలతో కూడిన నివేదికను ఇచ్చారని అన్నారు. విభజనచట్టంలోని హామీలపైనే ఎక్కువగా దృష్టి సారిస్తామన్నారు. మరోవైపు రాష్ట్రానికి కేంద్రం నుంచి ఎలాంటి సహకారం అందని నేపథ్యంలో పార్లమెంట్‌లో రాష్ట్రపతి ప్రసంగానికి తెరాస దూరంగా ఉండాలని నిర్ణయించినట్లు సమాచారం,