TS News: తెరాస ‘విజయ గర్జన సభ’ వాయిదా

హైదరాబాద్‌: వరంగల్‌లో ఈ నెల 15న జరగనున్న తెరాస విజయ గర్జన సభ వాయిదా పడింది. ఈ నెల 29న దీక్షా దివస్‌ రోజున విజయగర్జన సభ నిర్వహించాలని సీఎం కేసీఆర్‌ నిర్ణయించారు. వరంగల్‌ జిల్లా తెరాస నేతల అభ్యర్థన మేరకు ముఖ్యమంత్రి ఈ నిర్ణయం తీసుకున్నట్టు సమాచారం. సభ ఏర్పాట్లు ఈ నెల 29వ తేదీకి మార్చుకోవాలని ఆయన సూచించారు.  తెలంగాణ రాష్ట్ర సమితి 20 ఏళ్ల పండుగ సందర్భంగా వరంగల్‌లో అత్యంత ప్రతిష్ఠాత్మకంగా ఈ విజయ గర్జన సభ నిర్వహించాలని తెరాస కార్యనిర్వాహక అధ్యక్షుడు కేటీఆర్‌ ఇటీవల పిలుపునిచ్చిన విషయం తెలిసిందే. గతంలో కరీంనగర్‌లో జరిగిన సింహ గర్జన సభను మించి విజయవంతం చేయాలన్నారు.