రెవెన్యూ బిల్లుపై సూచనలు స్వీకరిస్తాం: కేసీఆర్‌

హైదరాబాద్‌: నూతన రెవెన్యూ బిల్లుపై తెలంగాణ శాసనసభలో చర్చ ప్రారంభమైంది. ముఖ్యమంత్రి కేసీఆర్‌ రెవెన్యూ బిల్లుపై సభలో చర్చను ప్రారంభించారు. ‘‘ సభ్యులకు నూతన రెవెన్యూ బిల్లుపై మొన్ననే సమగ్రంగా వివరించాను. సభ్యులకు ఈ బిల్లుపై మాట్లాడే అవకాశం కల్పించాలని కోరుతున్నా. సభ్యుల నుంచి వచ్చిన సూచనలు పరిగణనలోకి తీసుకుంటాం. సభ్యులు మాట్లాడిన తర్వాత మరోసారి నేను వివరిస్తా’’ అని సీఎం తెలిపారు.

ఎంఐఎం నేత అక్బరుద్దీన్‌ మాట్లాడుతూ... నూతన రెవెన్యూ చట్టం తెచ్చిన కేసీఆర్‌కు ధన్యవాదాలు తెలిపారు. భూములకు సంబంధించి ఎన్ని చట్టాలు వచ్చినా చాలా చోట్ల ఆక్రమణలు జరిగాయన్నారు. క్షేత్రస్థాయిలో ఉన్న భూమి, రికార్డులో వివరాల్లో తేడాలు ఉన్నాయని వివరించారు. కొత్త రెవెన్యూ చట్టం ద్వారా ప్రజలకు మేలు జరుగుతుందని ఆశిస్తున్నట్టు చెప్పారు.