ఆ సూచనతోనే ‘ఉక్కు’ ప్రైవేటీకరణ: అనురాగ్‌

హైదరాబాద్‌: విశాఖ ఉక్కు కర్మాగారాన్ని ప్రైవేటీకరించాలని కేంద్రం తీసుకున్న నిర్ణయంపై ఏపీలో పెద్ద ఎత్తున నిరసనలు వెల్లువెత్తుతున్నాయి. ఈ నేపథ్యంలో కేంద్ర ఆర్థికశాఖ సహాయమంత్రి అనురాగ్‌ ఠాకూర్‌ దీనిపై హైదరాబాద్‌లో స్పందించారు. నీతి ఆయోగ్‌ సూచనతోనే విశాఖ ఉక్కు పరిశ్రమను ప్రైవేటీకరణ నిర్ణయం తీసుకున్నామని అనురాగ్‌ ఠాకూర్‌ స్పష్టంచేశారు. ప్రతి ప్రభుత్వ రంగ సంస్థనూ అమ్మకానికి పెట్టబోమని, నష్టాల్లో ఉన్నవాటినే ప్రైవేటీకరిస్తామన్నారు.శనివారం ఆయన హైదరాబాద్‌లో పర్యటించారు. భాజపా తెలంగాణ, లఘు ఉద్యోగ్‌ భారతి ఆధ్వర్యంలో మేధావులు, పారిశ్రామికవేత్తలతో జరిగే ఓ కార్యక్రమంలో పాల్గొన్నారు. 

బడ్జెట్‌లో తెలుగు రాష్ట్రాలకు అన్యాయం జరగలేదు

ఒప్పందం ప్రకారం పోలవరం ప్రాజెక్టుకు నిధులు కేటాయిస్తున్నట్టు అనురాగ్‌ తెలిపారు. రాష్ట్ర ఆర్థికమంత్రి బుగ్గన రాజేంద్రనాథ్‌ రెడ్డి ఇటీవల మూడు సార్లు తమను కలిశారని వెల్లడించారు. కేంద్ర బడ్జెట్‌లో తెలుగు రాష్ట్రాలకు అన్యాయం జరగలేదని చెప్పారు. బడ్జెట్‌ను జాతీయ దృక్పథంతో చూడాలనిసూచించారు.

ఇదీ చదవండి..

తెదేపా ఎమ్మెల్యే గంటా రాజీనామా