Updated : 27 Feb 2022 01:04 IST

UP Polls: యూపీలో నేడు ఐదో విడత పోలింగ్‌.. బరిలో 692 మంది

లఖ్‌నవూ: ఉత్తర్‌ప్రదేశ్‌ శాసనసభ ఐదో విడత పోలింగ్​కు సర్వం సిద్ధమైంది. 12 జిల్లాల పరిధిలోని 61 అసెంబ్లీ స్థానాలకు ఆదివారం ఓటింగ్​ జరగనుంది. మొత్తం 692 మంది అభ్యర్థులు బరిలో ఉన్నారు. ఉదయం 7 గంటల నుంచి సాయంత్రం 6 వరకు పోలింగ్‌ కొనసాగనుంది. దాదాపు 2.24కోట్ల మంది ఓటర్లు తమ ఓటు హక్కు వినియోగించుకోనున్నారు. ఒకప్పుడు కాంగ్రెస్ కంచుకోటలుగా భావించే అమేఠీ, రాయ్‌బరేలీతోపాటు రామమందిర ఉద్యమానికి కేంద్రమైన అయోధ్యలో ఆదివారమే ఓటింగ్​. వీటితోపాటు సుల్తాన్‌పుర్, చిత్రకూట్‌, ప్రతాప్‌గఢ్‌, కౌశాంబి, ప్రయాగ్‌రాజ్, బారాబంకి, బహ్రయిచ్‌, శ్రావస్తి, గోండా జిల్లాల్లో ఓటింగ్‌ జరగనుంది.

యూపీ ఉపముఖ్యమంత్రి కేశవ్‌ ప్రసాద్ మౌర్య బరిలో నిలిచిన సిరతు అసెంబ్లీ స్థానంలో నేడు ఎన్నికలు జరుగనున్నాయి. రాష్ట్ర మంత్రులు సిద్ధార్థ్‌నాథ్​ సింగ్ ​(అలహాబాద్​ పశ్చిమం), రాజేంద్ర సింగ్​(ప్రతాప్​గఢ్​), నంద గోపాల్​ గుప్తా నాడి (అలహాబాద్​ దక్షిణం), రమాపతి శాస్త్రి (మంకాపుర్​)తోపాటు 1993 నుంచి ఎమ్మెల్యేగా గెలుస్తున్న రఘురాజ్​ ప్రతాప్​ సింగ్​ (కుండా) ఎన్నికలు కీలకం కానున్నాయి.

403 అసెంబ్లీ స్థానాలున్న యూపీలో మొత్తం 7 విడతల్లో పోలింగ్ జరుగుతుండగా ఆదివారం 292 స్థానాలకు ఓటింగ్‌ పూర్తి కానుంది. మార్చి 3, 7 తేదీల్లో 6, 7 విడతల ఎన్నికలు జరగనున్నాయి. మార్చి 10న ఫలితాలు వెలువడనున్నాయి.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని