Chandrababu: విశాఖలో చంద్రబాబు పర్యటన.. ఎండాడ వద్ద అడ్డుకున్న పోలీసులు

విశాఖపట్నం: తెదేపా అధినేత చంద్రబాబు ఉత్తరాంధ్ర జిల్లాల పర్యటన కొనసాగుతోంది. ప్రస్తుతం విశాఖ నగరంలో పర్యటిస్తున్న ఆయన.. రుషికొండ వెళ్లేందుకు యత్నించగా పోలీసులు అనుమతి నిరాకరించారు. రుషికొండలోని హరిత రిసార్ట్స్‌ పరిశీలనకు బయల్దేరగా ఎండాడ జంక్షన్‌ వద్ద చంద్రబాబు బృందాన్ని పోలీసులు అడ్డుకున్నారు. జాతీయ రహదారిపై తెదేపా అధినేత వాహన శ్రేణిని నిలిపేశారు.

రుషికొండ పర్యటనకు వెళ్తున్న చంద్రబాబును పోలీసులు అడ్డుకోవడంపై తెదేపా శ్రేణులు తీవ్ర ఆగ్రహం వ్యక్తం చేశాయి. పోలీసులతో పలువురు నేతలు, కార్యకర్తలు వాగ్వాదానికి దిగారు. కొంతమంది తెదేపా నేతలు, కార్యకర్తలను పోలీసులు అరెస్ట్ చేశారు. ఈ సందర్భంగా అక్కడ ఉద్రిక్తత చోటుచేసుకుంది. మరోవైపు కాన్వాయ్‌ను పోలీసులు అడ్డుకోవడంతో ఎండాడ నుంచి డైరీఫామ్‌ వరకు ట్రాఫిక్‌ స్తంభించింది. అక్కడికి కాసేపటికి తర్వాత చంద్రబాబు తాళ్లవలస వెళ్లారు.