KTR - Modi: మోదీ.. ఎంతకాలం ఈ అబద్ధాల జాతర?: కేటీఆర్‌

హైదరాబాద్: ప్రధాని మోదీ మంగళవారం నిజామాబాద్‌లో పర్యటించనున్నారు. ఈనేపథ్యంలో రాష్ట్ర మంత్రి కేటీఆర్‌ ట్విటర్ వేదికగా ఆయనకు కొన్ని ప్రశ్నలు సంధించారు. ‘‘మా మూడు ప్రధాన హామీల సంగతేంటి? కాజీపేట కోచ్‌ ఫ్యాక్టరీకి ప్రాణం పోసేదెప్పుడు? బయ్యారం ఉక్కు కర్మాగారం నిర్మించేదెప్పుడు? పాలమూరు ప్రాజెక్టుకు జాతీయ హోదా దక్కేదెప్పుడు?మూడ్రోజుల్లో రెండోసారి వస్తున్నారు.. ఆ మూడు విభజన హక్కులకు దిక్కేది? పదేళ్ల నుంచి పాతరేసి ఎంతకాలం ఈ అబద్ధాల జాతర? మీ మనసు కరిగేదెప్పుడు.. తెలంగాణ గోస తీరేదెప్పుడు?

గూగుల్‌ విధానాలే.. ప్రత్యర్థుల ఎదుగుదలకు అడ్డు: సత్య నాదెళ్ల

గుండెల్లో గుజరాత్‌ పెట్టుకుని తెలంగాణ గుండెల్లో గునపాలా?కోచ్‌ ఫ్యాక్టరీ, ఉక్కు కర్మాగారం ఊపిరి తీశారు. లక్షల ఉద్యోగాలిచ్చే ఐటీఐఆర్‌ను ఆగం చేశారు. పసుపు బోర్డు ప్రకటన కూడా మహిళా రిజర్వేషన్‌లాగే ఉంది. తెలంగాణలో మళ్లీ వంద చోట్ల మీ డిపాజిట్ల గల్లంతు గ్యారెంటీ’’ అని కేటీఆర్‌ ట్వీట్‌ చేశారు.