Published : 03 May 2021 13:54 IST

దొంగ ఓట్లతోనే వైకాపా గెలిచింది: అచ్చెన్నాయుడు

ఇంటర్నెట్‌ డెస్క్‌: తిరుపతి పార్లమెంట్ ఉపఎన్నికల్లో వైకాపా దొంగ ఓట్ల సాయంతో విజయం సాధించిందని తెదేపా రాష్ట్ర అధ్యక్షుడు అచ్చెన్నాయుడు ఆరోపించారు. పోలింగ్ రోజు వైకాపా అరాచకాలను ప్రజలంతా చూశారని పేర్కొన్నారు. ప్రజలు నైతికంగా తెలుగుదేశాన్నే గెలిపించి.. వైకాపా మదాన్ని అణిచారన్న అచ్చెన్నాయుడు అందుకే అధికార పార్టీ నేతల ముఖాల్లో సంతోషం కరవైందన్నారు. వైకాపా దురాగతాలను బయటపెట్టిన తెలుగుదేశం శ్రేణుల్ని మనస్ఫూర్తిగా అభినందించారు. నకిలీ ఓటర్ కార్డులను అడ్డుకోకుండా పోలింగ్ అధికారులు వైకాపాకు సహకరించటంతో పాటు.. అడ్డుకున్న తెదేపా కార్యకర్తలను అక్రమంగా అరెస్టు చేశారని విమర్శించారు. ప్రజాస్వామ్యాన్ని అపహాస్యం చేసి, నిజమైన ఓటర్ల హక్కుల్ని వైకాపా కాలరాసిందన్నారు. ప్రతి అరాచకానికి బుద్ధి చెప్పే రోజు దగ్గర్లోనే ఉందని అచ్చెన్నాయుడు హెచ్చరించారు. తాము దొంగ ఓట్లకు పాల్పడలేదని తిరుపతి వెంకన్న సాక్షిగా వైకాపా నేతలు ప్రమాణానికి సిద్ధమా అని ఆయన సవాల్ విసిరారు.
 


Read latest Politics News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts