Andhra News: ఏపీలో కొనసాగుతోన్న బుజ్జగింపుల పర్వం.. సామినేనిని కలిసిన ఎంపీ మోపిదేవి

అమరావతి: ఆంధ్రప్రదేశ్‌లో బుజ్జగింపుల పర్వం కొనసాగుతూనే ఉంది. మంత్రి పదవులు ఆశించి రాకపోయేసరికి మూతి ముడుచుకున్న ఎమ్మెల్యేలను బుజ్జగించే పనిలో పడ్డారు పార్టీ నేతలు. జగ్గయ్యపేట ఎమ్మెల్యే సామినేని ఉదయభానును కలిసేందుకు ఎంపీ మోపిదేవి వెంకటరమణ వెళ్లారు. మంత్రి పదవి రాకపోవడంతో సామినేని అసంతృప్తితో ఉన్నారు. పార్టీకి విధేయంగా ఉన్నా మంత్రి పదవి రాకపోవడంతో సామినేని ఆవేదనతో ఉన్న సామినేనికి ఎంపీ మోపిదేవి నచ్చజెప్పేందుకు ప్రయత్నించారు. సామినేని ఉదయభాను అనుచరులు మోపిదేవి వద్ద గోడు వెళ్లబోసుకున్నారు. పార్టీ జెండా మోసిన వారికి న్యాయం ఎక్కడ జరిగిందంటూ ఆవేదన వ్యక్తం చేశారు.

మరోవైపు మంత్రి పదవి రాలేదని తీవ్ర అసంతృప్తితో ఉన్న బాలినేని శ్రీనివాస్‌రెడ్డిని ప్రభుత్వ సలహాదారు సజ్జల రామకృష్ణారెడ్డి పలుమార్లు కలిసి నచ్చజెప్పే ప్రయత్నం చేసినా ఫలితం లేకుండాపోయింది. దీంతో బాలినేనితో స్వయంగా మాట్లాడాలని సీఎం నిర్ణయించి క్యాంపు కార్యాలయానికి పిలిపించారు. ప్రస్తుతం క్యాంపు కార్యాలయానికి చేరుకున్న బాలినేని సీఎం జగన్‌తో సమావేశమయ్యారు.

► Read latest Politics News and Telugu News

► Follow us on Facebook, Twitter, Instagram, Koo, ShareChat, and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.