Andhra News: కాగ్‌ లెక్కలపై విచారణ చేపట్టాలి.. ప్రధానికి ఎంపీ రఘురామ లేఖ

దిల్లీ: ఆంధ్రప్రదేశ్‌లో ఆర్థిక స్థితిపై కాగ్‌ లెక్కలను పరిగణనలోకి తీసుకోవాలని.. ఎస్‌ఎఫ్‌ఐవో లేదా సీబీఐ ఆర్థిక నేర విభాగంతో విచారణ జరిపించాలని నర్సాపురం ఎంపీ రఘురామకృష్ణరాజు కేంద్ర ప్రభుత్వాన్ని కోరారు. ఈ మేరకు ప్రధాని నరేంద్రమోదీకి రఘురామ లేఖ రాశారు. బ్యాంకులు, కార్పొరేషన్ల నుంచి రూ.వేల కోట్లు ఎలా సేకరించారో విచారణ జరిపించాలని కోరారు. అప్పులు తీసుకునేటప్పుడు ఏపీ సర్కార్ రాజ్యాంగ ఉల్లంఘనకు పాల్పడిందని లేఖలో ప్రస్తావించారు. ఫోరెన్సిక్‌ ఆడిట్‌ కూడా చేయించాలని విజ్ఞప్తి చేశారు. విచారణ వేళ సీఎం జగన్‌, అధికారులను ప్రశ్నించాలనే నిబంధన సైతం విధించాలని రఘురామ విజ్ఞప్తి చేశారు.