ఉద్యోగ పరీక్షలు నిర్వహించాలి

ఏపీ ఉద్యోగ పోరాట సమితి డిమాండ్‌

హైదరాబాద్‌, న్యూస్‌టుడే: ఆంధ్రప్రదేశ్‌లో నోటిఫికేషన్లు విడుదల చేసిన గ్రూప్‌-4, ఎండోమెంట్‌ ఉద్యోగాలకు వెంటనే పరీక్షలు నిర్వహించాలని ఏపీ ఉద్యోగ పోరాట సమితి రాష్ట్ర అధ్యక్షుడు సిద్ధిక్‌ ఏపీ ప్రభుత్వాన్ని డిమాండ్‌ చేశారు. శనివారం హైదరాబాద్‌ గాంధీనగర్‌ డివిజన్‌లోని కెనరా బ్యాంకు ఎదురుగా ఉన్న పార్కులో ఏపీ నిరుద్యోగులు నిరసన తెలిపారు. ఈ సందర్భంగా ఆయన మాట్లాడుతూ నోటిఫికేషన్లు విడుదల చేసి నెలలు గడుస్తున్నా పరీక్షలు ఎందుకు నిర్వహించడం లేదని ప్రశ్నించారు. ఏపీ భాజపా రాష్ట్ర కార్యదర్శి రమేష్‌ నాయుడు మాట్లాడుతూ డీఎస్సీ, ట్రాన్స్‌కో, డిస్కం, ఇతర శాఖల్లోని ఖాళీలను భర్తీ చేయాలని డిమాండ్‌ చేశారు.