Biryani: బిర్యానీ బిల్లు రూ.3 లక్షలు..

పశ్చిమబెంగాల్‌లో ఓ కాంట్రాక్టర్‌ నిర్వాకం

బిర్యానీ కోసం రూ.3లక్షలు చెల్లించినట్లు నకిలీ బిల్లు పెట్టాడో కాంట్రాక్టర్‌. ఈ  ఘటన పశ్చిమబెంగాల్‌లోని కత్వా సబ్‌డివిజనల్‌ ఆస్పత్రిలో జరిగింది. ఆస్పత్రి సూపరింటెండెంట్‌గా సౌవిక్‌ ఆలం ఇటీవలే బాధ్యతలు స్వీకరించారు. పెండింగ్‌లో ఉన్న బిల్లులను చూసి షాకయ్యారు. బిర్యానీ కోసం దాదాపు రూ.3 లక్షలు వెచ్చించినట్లు ఓ కాంట్రాక్టర్‌ బిల్లు దాఖలు చేశాడు. కింగ్‌షుక్‌ అనే కాంట్రాక్టర్‌ ఆస్పత్రికి వివిధ రకాలైన వస్తువులను సరఫరా చేస్తాడు. ఫర్నిచర్‌, ఫార్మసీ, కారు ఖర్చుతో పాటు అనేక ఇతర బిల్లులను కలిపి సుమారు రూ.3 కోట్లు పెట్టాడు. సౌవిక్‌ వీటిని పరిశీలించగా.. 81 రకాల నకిలీ బిల్లులు కనిపించాయి. బిల్లుపై సంతకం చేసిన ప్రతి ఆరోగ్య కార్యకర్తను విచారిస్తామని.. దోషులుగా తేలితే వారిపై చట్ట ప్రకారం చర్యలు తీసుకుంటామని అధికారులు తెలిపారు.