గంటన్నరపాటు గాల్లోనే జనం

 రోప్‌వేకు విద్యుత్‌ సరఫరా నిలిచిపోవడంతో ఘటన

భోపాల్‌: ప్రకృతి అందాలను ఆస్వాదిస్తూ దైవ దర్శనానికి వెళ్లేందుకు రోప్‌వే ఎక్కిన భక్తులు.. దానికి విద్యుత్‌ సరఫరా నిలిచిపోవడంతో హడలిపోయారు. ప్రాణాలు అరచేతిలో పెట్టుకుని గంటన్నర పాటు గాలిలోనే ఉండిపోయారు. మధ్యప్రదేశ్‌ మైహర్‌లోని త్రికూట్‌ కొండపైకి వెళ్లే మార్గంలో ఈ ఘటన జరిగింది. తుపాను విధ్వంసానికి భారీ వృక్షాలు నేలకొరగడంతో విద్యుత్‌ సరఫరా నిలిచిపోయిందని అధికారులు తెలిపారు. గంటన్నర తర్వాత సరఫరాను పునరుద్ధరించడంతో అంతా సురక్షితంగా బయటపడ్డారని చెప్పారు.