మహిళ చేతులు కట్టేసి నాలుగో అంతస్తు నుంచి తోసివేత

ఈనాడు, లఖ్‌నవూ: ఉత్తరప్రదేశ్‌లోని ఆగ్రాలో దారుణం చోటు చేసుకుంది. గాజియాబాద్‌కు చెందిన రితిక (35)కు ఫిరోజాబాద్‌కు చెందిన అమిత్‌గౌతమ్‌తో 2014లో వివాహమైంది. విభేదాల కారణంగా భర్త ఇంటి నుంచి వెళ్లిపోయిన ఆమె.. ఏడాదిన్నర నుంచి ఆగ్రాలోని ఒక అపార్ట్‌మెంట్‌లో తన ప్రేమికుడితో సహజీవనం చేస్తోంది. చాలా కాలంగా రితిక కోసం అన్వేషిస్తున్న భర్త ..ఆగ్రాలో ప్రేమికుడితో కలిసి ఉంటోందని తెలుసుకుని వచ్చాడు. ఇద్దరి మధ్య వాగ్వాదం జరిగింది. కోపంతో రితిక చేతులను కట్టేసి అపార్ట్‌మెంట్‌లోని నాలుగో అంతస్తు నుంచి కిందకు తోసి వేయడంతో ఆమె అక్కడికక్కడే మృతి చెందారు.