Sonu Sood: సోనూసూద్‌ చొరవతో.. చౌముఖికి కొత్త జీవితం

బిహార్‌కు చెందిన చౌముఖి కుమారి అనే చిన్నారి.. నాలుగు కాళ్లు, చేతులతో జన్మించిన చిన్నారి నటుడు సోనూసూద్‌ సహకారంతో కొత్త జీవితంలోకి అడుగుపెట్టింది. చిన్నారికి చికిత్స అందించే ఆర్థిక స్తోమత లేక ఆమె తల్లిదండ్రులు అనేక ఇబ్బందులు పడ్డారు. వైద్యానికి సహాయం చేసేందుకు ఎవరైనా ముందుకు రావాలని తల్లిదండ్రులు సోషల్‌ మీడియా వేదికగా వేడుకున్నారు. ఈ విషయం తెలుసుకున్న సోనూసూద్‌.. నేనున్నానంటూ ముందుకొచ్చారు. పాపను కలిసిన సోనూ.. శస్త్రచికిత్సకు కావాల్సిన అన్ని ఏర్పాట్లు చేశారు. సోనూసూద్‌ చొరవతో ఆ బాలికకు ఇటీవల ముంబయిలో నిర్వహించిన శస్త్రచిక్సిత విజయవంతమైంది. ప్రస్తుతం ఆ బాలిక కొత్త జీవితాన్ని ఆరంభించింది. తమ బిడ్డ వైద్యానికి సహాయం చేసిన సోనూసూద్‌ తమకు దేవుడు అని చిన్నారి తల్లిదండ్రులు తెలిపారు.