Published : 07 Jul 2022 06:20 IST

స్టాన్‌ స్వామి మరణంపై విచారణ జరపాలి

అమెరికన్‌ పార్లమెంటులో తీర్మానం ప్రతిపాదన

న్యూయార్క్‌: భారత్‌కు చెందిన మానవహక్కుల ఉద్యమకారుడు, జెస్యూట్‌ క్రైస్తవ అర్చకుడు స్టాన్‌ స్వామి మరణంపై స్వతంత్ర విచారణ జరపాలంటూ అమెరికా కాంగ్రెస్‌ (పార్లమెంటు) దిగువ సభలో ఒక తీర్మానం ప్రవేశపెట్టారు. పాలక డెమోక్రటిక్‌ పార్టీ ఎంపీ హువాన్‌ వార్గస్‌ ప్రతిపాదించిన ఈ తీర్మానానికి మరో  ఇద్దరు ఎంపీలు సహ ప్రాయోజకులుగా వ్యవహరించారు. 84 ఏళ్ల స్టాన్‌ స్వామి పోలీసు కస్టడీలో మరణించి ఏడాది పూర్తయిన సందర్భంగా ఈ తీర్మానాన్ని ప్రవేశపెట్టారు. స్వామి సంస్మరణార్థం మంగళవారం జరిగిన వెబినార్‌లో వార్గస్‌ మాట్లాడారు. బ్రిటన్‌, ఆస్ట్రేలియా, ఐరోపా సమాఖ్య (ఈయూ), ఐక్యరాజ్యసమితి ప్రతినిధులు వెబినార్‌లో ప్రసంగించారు. ఈ వెబ్‌ గోష్ఠికి హిందూస్‌ ఫర్‌ హ్యూమన్‌రైట్స్‌, ఆదివాసీ లైవ్స్‌ మ్యాటర్‌, దళిత్‌ సాలిడారిటీ ఫోరం, ఇండియన్‌ అమెరికన్‌ క్రిస్టియన్‌ ఆర్గనైజేషన్స్‌ ఆఫ్‌ నార్త్‌ అమెరికా, ఇండియన్‌ అమెరికన్‌ ముస్లిం కౌన్సిల్‌ తదితర సంస్థలు సహ నిర్వాహకులుగా వ్యవహరించాయి. స్టాన్‌ స్వామికి జైలులో గుండెపోటు రావడంతో, ఆ మరుసటిరోజు అంటే నిరుడు మే 29న ముంబయిలోని ఒక ఆస్పత్రిలో చేర్చారు. అప్పటికే గుండె ఆగిపోయిన స్వామికి వెంటిలేటరు మీద శ్వాస ఏర్పాటుచేసినా ప్రాణాలు దక్కలేదు. ఆయనకు పార్కిన్సన్‌ వ్యాధితోపాటు ఇతర రుగ్మతలూ ఉన్నాయి. పోలీసు కస్టడీలో స్టాన్‌ స్వామిపై బలప్రయోగం జరిగిందనీ, ఆయన ఆరోగ్యస్థితిని ఘోరంగా నిర్లక్ష్యం చేశారనీ, ఇదంతా తీవ్ర దిగ్భ్రాంతిని కలిగిస్తోందని వార్గస్‌ వ్యాఖ్యానించారు.

Read latest Related stories News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని