హైకోర్టు వర్చువల్‌ విచారణలో బాత్‌రూమ్‌ వీడియో ప్రత్యక్షం!

హైకోర్టు వర్చువల్‌ విచారణలో ఓ వ్యక్తి బాత్‌రూమ్‌లో షేవింగ్‌ చేస్తూ కనిపించటం కలకలం రేపింది. కేరళ హైకోర్టులో గత మంగళవారం న్యాయమూర్తి జస్టిస్‌ వీజీ అరుణ్‌ నేతృత్వంలోని ధర్మాసనం విచారణ చేపట్టిన సందర్భంలో ఈ సంఘటన జరిగింది. విచారణలో పాల్గొన్న వ్యక్తి బాత్‌రూమ్‌లో ఉండగా వీడియో స్విచ్‌ఆన్‌ అయింది. ఈ విషయాన్ని అతను గుర్తించనట్టుగా తెలుస్తోంది. ప్రస్తుతం ఈ దృశ్యాలు సామాజిక మాధ్యమాల్లో వైరల్‌గా మారాయి. దీనిపై దర్యాప్తు చేపట్టి, కారకులపై చర్యలు తీసుకోవాలని న్యాయమూర్తి పోలీసులను ఆదేశించారు.