Crime News: మొక్కే కదా అని పీకేస్తే..కొట్టి చంపిన మైనర్‌

ఈ ఘటన గురించి వింటే ‘‘మొక్కే కదా అని పీకేస్తే పీక కోస్తా’’ అన్న సినిమా డైలాగ్‌ గుర్తుకు రావడం ఖాయం. అవును.. తన పొలంలోని మొక్కను పీకేసినందుకు 12 ఏళ్ల బాలుడు.. 7 ఏళ్ల మరో బాలుడ్ని చంపేశాడు. ఈ షాకింగ్‌ ఘటన మధ్యప్రదేశ్‌లోని బుర్హాన్‌పుర్‌ జిల్లా షేక్‌పుర్‌ గ్రామంలో జనవరి 26న జరిగింది. నిందితుడు తన వ్యవసాయ క్షేత్రాన్ని పర్యవేక్షిస్తుండగా.. అదే గ్రామానికి చెందిన బాలుడు మొక్కను పీకుతూ కనిపించాడు. దీంతో కోపంతో స్పృహ తప్పేలా కొట్టాడు. ఆ తర్వాత కాసేపటికే మృతిచెందాడు. భయంతో బాలుడి గుండె ఆగడంతోనే మృతిచెందినట్లు శవపరీక్షలో వైద్యులు నిర్ధారించారు. ఈ ఘటనపై పూర్తిస్థాయిలో విచారణ చేపట్టామని పోలీసులు చెప్పారు.