‘వైవాహిక అత్యాచారం’.. సామాజిక, చట్టపర చిక్కులతో ముడిపడి ఉంది: దిల్లీ హైకోర్టుకు కేంద్రం నివేదన
‘వైవాహిక అత్యాచారం’ అంశంపై కేంద్ర ప్రభుత్వం దిల్లీ హైకోర్టుకు తన అభిప్రాయాన్ని తెలియజేసింది.
దిల్లీ: ‘వైవాహిక అత్యాచారం’ అంశంపై కేంద్ర ప్రభుత్వం దిల్లీ హైకోర్టుకు తన అభిప్రాయాన్ని తెలియజేసింది. నాగరిక సమాజానికి మూలస్తంభం, పునాది అయిన మహిళల స్వేచ్ఛ, గౌరవం, హక్కులను పరిరక్షించేందుకు తాము కృతనిశ్చయంతో ఉన్నట్టు వెల్లడించింది. వైవాహిక అత్యాచారాన్ని నేరంగా పరిగణించే విషయమై అన్ని రాష్ట్ర ప్రభుత్వాలు సహా సంబంధీకులందరితో అర్థవంతమైన, నిర్మాణాత్మక సంప్రదింపులు చేపట్టాల్సి ఉందని పేర్కొంది. సామాజిక, చట్టపరమైన చిక్కులతో ముడిపడిన ఈ అంశంపై సంప్రదింపులు జరిపిన తర్వాత మాత్రమే ప్రభుత్వం ఏదైనా సాయం చేయగలదని స్పష్టం చేసింది. ఈ వ్యాజ్యానికి సంబంధించిన విచారణను వాయిదా వేయాలంటూ అదనపు అఫిడవిట్ను దాఖలు చేసింది. వైవాహిక అత్యాచారాన్ని నేరంగా పరిగణించి, దోషులను శిక్షించాలని కోరుతూ ఆల్ ఇండియా డెమోక్రాటిక్ విమెన్స్ అసోసియేషన్, ఆర్ఐటీ ఫౌండేషన్లు ప్రజాప్రయోజన వ్యాజ్యాలను దాఖలు చేశాయి. భారత శిక్షా స్మృతిలోని 375 నిబంధన నుంచి భర్తలకు మినహాయింపు ఇవ్వడాన్ని ఈ సంస్థలు వ్యతిరేకిస్తున్నాయి. ఈ పిటిషన్లపై జస్టిస్ రాజీవ్ శక్ధర్, జస్టిస్ సి.హరిశంకర్ల ధర్మాసనం విచారణ చేపడుతోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
అలా చేస్తే ఆయుధాలు వీడతాం.. హమాస్ కీలక ప్రతిపాదన!
-
జగన్.. బ్యాండేజ్ ఎక్కువ రోజులు ఉంటే సెప్టిక్ అవుతుంది: సునీత
-
ఈనాడు.నెట్లో టాప్ 10 వార్తలు @ 5PM
-
హోటల్లో భారీ అగ్ని ప్రమాదం.. ఆరుగురి సజీవ దహనం
-
విద్యార్థుల చిరునవ్వుల కోసం ఓ టీచర్ ఫన్నీ యాక్ట్.. వీడియో వైరల్
-
(ADVT) జేఈఈ మెయిన్ ఓపెన్ కేటగిరీలో ఆలిండియా 1st ర్యాంక్ నారాయణదే