Uttarakhand Elections 2022: మేం గెలిస్తే ‘ఉమ్మడి పౌరస్మృతి’ తెస్తాం

ఉత్తరాఖండ్‌ సీఎం హామీ..

దేహ్రాదూన్‌: ఉత్తరాఖండ్‌లో భాజపా తిరిగి అధికారంలోకి వస్తే.. ఉమ్మడి పౌరస్మృతి (యూనిఫాం సివిల్‌ కోడ్‌) ముసాయిదా తయారీకి కమిటీని ఏర్పాటు చేస్తామని ముఖ్యమంత్రి పుష్కర్‌ సింగ్‌ ధామీ శనివారం హామీ ఇచ్చారు. న్యాయ కోవిదులు, మేధావులు, ఇతర ప్రముఖులతో ఈ కమిటీ ఏర్పాటవుతుందని పేర్కొన్నారు. వివాహం, విడాకులు, భూములకు సంబంధించిన ఆస్తులు, వారసత్వం తదితర అంశాలను ఈ కమిటీ పరిశీలిస్తుందన్నారు. ఉత్తరాఖండ్‌ అసెంబ్లీ ఎన్నికల్లో ప్రచారానికి చివరి రోజున ఆయన ఈ ప్రకటన చేశారు. రాష్ట్రంలోని 70 స్థానాలకు ఈనెల 14న ఎన్నికలు జరగనున్న సంగతి తెలిసిందే.