దారుణం.. ప్రతిఘటించినందుకు హత్య.. ఆపై శవంపైనే అత్యాచారం!

అత్యాచార ప్రయత్నం విఫలం కాగా మహిళను చంపి మృతదేహాన్ని అత్యాచారం చేశాడో కామాంధుడు. దిల్లీ బురారీలో ఈ దారుణం చోటుచేసుకుంది. ఈ మేరకు 24 ఏళ్ల యువతి హత్య కేసును పోలీసులు ఛేదించారు. ఆమెను చంపిన అనంతరం నిందితుడు అమన్‌ సింగ్‌ బిష్ఠ్‌.. మృతదేహంపై దారుణానికి పాల్పడినట్లు తేల్చారు. ఈ నెల 19న నిందితుడి భార్య.. కాశిక్‌ ఎన్‌క్లేవ్‌లోని తన ఇంటికి వచ్చి చూసే సరికి ఆమె స్నేహితురాలు అర్ధనగ్నంగా పడి ఉండడాన్ని గమనించింది. ఆ సమయంలో ఆమె భర్త అక్కడ లేడు. ఆ మహిళ వెంటనే పోలీసులకు ఫిర్యాదు చేసింది. పోలీసులు సోమవారం మహిళ భర్తను అనుమానితుడిగా భావించి అరెస్టు చేశారు. విచారణలో నిందితుడు నిజం అంగీకరించాడు. దీంతో ఆశ్చర్యపోవడం పోలీసుల వంతైంది. 
*మరోవైపు, ఉత్తర్‌ప్రదేశ్‌ ముజఫర్‌నగర్‌లోని చాంద్‌పుర్‌ గ్రామంలో అత్యాచార బాధితురాలు(19) ఉరి వేసుకుని ఆత్మహత్య చేసుకున్న ఘటన జరిగింది. ఆమెపై 2019లో నలుగురు యువకులు సామూహిక అత్యాచారానికి పాల్పడ్డారు.