Rupa Dutta: పర్స్‌లు కొట్టేస్తూ అడ్డంగా దొరికిన నటి

కోల్‌కతాలో జరుగుతున్న అంతర్జాతీయ పుస్తక ప్రదర్శనలో దొంగతనం చేసినందుకు బెంగాలీ నటి రూపా దత్తాను పోలీసులు అరెస్ట్‌ చేశారు. చాకచక్యంగా బాధితుల దృష్టి మరల్చి వారి పర్సులను కొట్టేసినట్లు అధికారులు చెబుతున్నారు. ఇలా కొట్టేసిన ఓ పర్స్‌ను ఆమె చెత్త కుండీలో వేయడం చూసిన ఉత్తర బిధాన్‌నగర్‌ పోలీసు అధికారి అమెను అదుపులోకి తీసుకుని విచారించారు. దీంతో అసలు విషయం బయట పడింది. పోలీసులు ప్రశ్నిస్తుండగా.. రూప చెప్పిన సమాధానాలతో వారికి సందేహం వచ్చింది. ఈ క్రమంలో ఆమె బ్యాగ్‌ను తనిఖీ చేయగా అందులో రూ.75 వేల నగదుతో పాటు కొన్ని పర్స్‌లు  ఉన్నట్లు గుర్తించారు. ఈ నేరంతో ఇంకెవరికైనా సంబంధం ఉందా అనే దానిపై పోలీసులు దర్యాప్తు చేస్తున్నారు. రూపా దత్త బెంగాలీలో కొన్ని సీరియల్స్‌లో నటించి మంచి నటిగా గుర్తింపు తెచ్చుకుంది.