Andhra News: ‘నాకు సహకరించు.. ప్రమోషన్‌ ఇప్పిస్తా.. లేదంటే..’

అంగన్‌వాడీ ఆయాకు అధికార పార్టీ నేత కుమారుడి బెదిరింపు 

యడ్లపాడు, న్యూస్‌టుడే: ‘చేస్తున్న ఉద్యోగం స్థాయి పెంచి పోస్టింగ్‌ ఇప్పిస్తా.. నాకు సహకరిస్తే సరి.. లేకపోతే ఉన్న ఉద్యోగమూ లేకుండా చేస్తా’ అని ఓ అంగన్‌వాడీ ఆయాను అధికార పార్టీ నేత కుమారుడు బెదిరించిన వైనమిది. బాధితురాలి కథనం ప్రకారం... గుంటూరు జిల్లా యడ్లపాడు మండలంలోని ఓ ప్రజాప్రతినిధి కుమారుడు బుధవారం బాధితురాలు పని చేస్తున్న చోటికి వచ్చాడు.

తన రాజకీయ పలుకుబడిని ఉపయోగించి పదోన్నతి కల్పిస్తానని, తనకు సహకరించాలని ఆమెతో వంకరగా మాట్లాడాడు. అతడి దురుద్దేశాన్ని గుర్తించిన ఆమె అందుకు నిరాకరించారు. దీంతో ఆగ్రహించిన అతడు నీ సంగతి తర్వాత చూస్తానంటూ బెదిరించి వెళ్లాడు. బాధితురాలు గురువారం తనపై అధికారికి ఫిర్యాదు చేశారు.