Crime News: సోషల్‌ మీడియాలో స్నేహం.. వీడియోలతో బెదిరించి అత్యాచారం!

రాజస్థాన్‌లో ఓ వివాహితపై ఇద్దరు యువకులు అత్యాచారానికి పాల్పడ్డారు. ఆమె అశ్లీల వీడియోలను సోషల్‌ మీడియాలో వైరల్‌ చేస్తామని బెదిరించి ఈ అఘాయిత్యానికి ఒడిగట్టారు. 27 ఏళ్ల బాధితురాలు చెప్పిన వివరాల ప్రకారం.. 8 ఏళ్ల క్రితం ఆమెకు వివాహమైంది. ఐదు నెలల క్రితం ఓ యువకుడితో ఆన్‌లైన్‌లో పరిచయం ఏర్పడింది. ఇద్దరి మధ్య చనువు పెరిగి రోజూ వీడియో కాల్స్‌ చేసుకొనేవారు ఈ క్రమంలోనే ఆమె ఆశ్లీల దృశ్యాలను  రికార్డు చేశాడు. గతేడాది డిసెంబర్‌లో ఆమె ఫోన్‌ నుంచి మరికొన్ని వ్యక్తిగత ఫొటోలు, వీడియోలను సేకరించాడు. వాటిని సోషల్‌ మీడియాలో వైరల్‌ చేస్తానని చెప్పి బెదిరించాడు. తన బంధువుల ఇంటికి తీసుకెళ్లి అత్యాచారానికి పాల్పడ్డాడు. ఆ తర్వాత అతని స్నేహితుడి ఇంట్లో బంధించగా, స్నేహితుడు కూడా ఆమెపై అత్యాచారం చేశాడు.  ఆమె కనిపించడం లేదన్న కుటుంబసభ్యుల ఫిర్యాదుతో పోలీసులు రంగంలోని దిగి ఆచూకీ గుర్తించారు.