టీ కోసం రైలునే ఆపేసిన డ్రైవర్‌.. విచారణ చేస్తామన్న రైల్వే అధికారులు

సాధారణంగా తేనీటి కోసం బస్సును ఆపడం చూసుంటాం. అదే తేనీటి కోసం ట్రైన్‌ ఆగడం ఎప్పుడైనా చూశారా? బిహర్‌లోని సివాన్‌లో ఓ ట్రైన్‌ డ్రైవర్‌ టీ కోసం ఏకంగా ట్రైన్‌నే ఆపేశాడు. ఝాన్సీ నుంచి గ్వాలియర్‌ వెళుతున్న మెయిల్‌ ఎక్స్‌ప్రెస్‌ ఉదయం 5:27 గంటలకు సివాన్‌ స్టేషన్‌ వద్దకు చేరుకుంది. ఇంతలో తేనీటి కోసం దిగిన గార్డు ఎక్కలేదని తెలుసుకున్న డ్రైవర్‌.. బయలుదేరాల్సిన సమయం కావడంతో రైలును క్రాసింగ్‌ వద్దకు తీసుకెళ్లి నిలిపివేశాడు. అనంతరం గార్డు తేనీరు తీసుకువచ్చి డ్రైవర్‌కు ఇచ్చాకే రైలు బయలుదేరింది. ఈ విషయం తమ దృష్టికి వచ్చిందని.. దీనిపై విచారణ చేస్తామని రైల్వే అధికారులు తెలిపారు.