పోలీసుల ఆశ్రయం కోరిన మహిళా ప్రేమజంట

పట్నా: ఇద్దరు యువతులు ప్రేమించుకున్నారు. పెద్దలు ఒప్పుకోవట్లేదని పోలీసులను ఆశ్రయించారు. తమ కుటుంబసభ్యుల నుంచి రక్షణ కల్పించాల్సిందిగా పోలీసులను కోరారు. ఈ ఘటన బిహార్‌ రాజధాని పట్నాలో జరిగింది. ఇంద్రపురికి చెందిన తనిష్క్‌ శ్రీకి, సహస్ర ప్రాంతానికి చెందిన శ్రేయా ఘోష్‌కు గత ఐదేళ్లుగా పరిచయం ఉంది. అది కాస్త ప్రేమగా మారి.. కలిసి జీవించాలనుకున్నారు. ఈ విషయం బయటపడటంతో తనిష్క్‌ను కుటుంబసభ్యులు ఇంట్లో నిర్భందించారు. అక్కడితో ఆగకుండా శ్రేయా ఘోష్‌పై నకిలీ కిడ్నాప్‌ కేసును పెట్టారు. దీంతో తాము కలిసి జీవించేందుకు ఇరువురి కుటుంబాలు ఒప్పుకోవట్లేదని.. పట్నాలోని మహిళా పోలీసుస్టేషన్‌లో ఆ యువతులు ఫిర్యాదు చేశారు. అక్కడి పోలీసులు కేసు నమోదుకు నిరాకరించడంతో పట్నా ఎస్‌ఎస్‌పీని కలిసి తమకు రక్షణ కల్పించాలని విజ్ఞప్తి చేశారు.