కవల సోదరుడి అఘాయిత్యం: భర్తనని నమ్మించి.. అన్న భార్యను వంచించి!

తల్లిలా చూసుకోవాల్సిన అన్న భార్యను వంచించి.. నెలల తరబడి ఆమెపై అత్యాచారానికి పాల్పడిన ఓ కామాంధుడిని పోలీసులు అరెస్టు చేశారు. మహారాష్ట్రలోని లాతూర్‌కు చెందిన నిందితుడు తన అన్నావదినలు, కుటుంబ సభ్యులతో కలిసి ఉంటున్నాడు. వారిద్దరూ కవల సోదరులు కావడంతో చూడ్డానికి అచ్చంగా ఒకేలా ఉంటారు. ఎవరు ఎవరో గుర్తించడం ఎదుటివారికి కష్టంగానే ఉంటుంది. వారిలో పెద్దవాడికి 6 నెలల క్రితం వివాహమైంది. కొత్తగా ఆ కుటుంబంలోకి ప్రవేశించిన ఆ యువతి కూడా ఎవరు ఎవరో గుర్తించలేకపోయింది. దీన్నే అదనుగా తీసుకున్న నిందితుడు తన వదినపై అఘాయిత్యానికి పాల్పడుతూ వచ్చాడు. సోదరుడు లేని సమయంలో లైంగిక వాంఛ తీర్చుకునేవాడు. ఒకే పోలికతో ఉన్న కారణంగా ఆమె అతన్ని తన భర్తగానే భావించింది. 6 నెలల తర్వాత అసలు విషయాన్ని గుర్తించిన బాధితురాలు ఈ దారుణాన్ని తన భర్తకు చెప్పగా.. ఆశ్చర్యకరంగా ఆ సంబంధాన్నే కొనసాగించాలంటూ తేలిగ్గా తీసుకున్నాడు. అత్తింటివారు కూడా ఈ దారుణాన్ని సమర్ధించి అమానుషంగా వ్యవహరించారు. దీంతో బాధితురాలు అన్నదమ్ములిద్దరిపైనా పోలీసులకు ఫిర్యాదు చేసింది. కవల సోదరులపై కేసు నమోదు చేసిన పోలీసులు అరెస్ట్‌ చేశారు.

► Read latest Related stories News and Telugu News

► Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.