Breaking | Feedback | ePratibha | E-PAPER | Pratibha

రూ.75 కోట్ల కారు.. ఎవరిదో తెలుసా?

కార్లను అమితంగా ప్రేమించే ఈ దిగ్గజ ఆటగాడు, ప్రపంచంలోనే అతి ఖరీదైన కారును స్వంతం చేసుకుని మరోసారి వార్తల్లోకెక్కాడు.

Published : 04 Aug 2020 00:48 IST

ఇలాంటివి ప్రపంచంలో పదే ఉన్నాయట..

ఇంటర్నెట్‌ డెస్క్‌: పోర్చుగల్‌కు చెందిన ఫుట్‌బాల్‌ స్టార్‌ క్రిస్టియానో రోనాల్డోను ప్రపంచంలోని అత్యుత్తమ ఆటగాళ్లలో ఒకరని చెప్పవచ్చు. కార్లను అమితంగా ప్రేమించే ఈ 35 సంవత్సరాల దిగ్గజ ఆటగాడు, ప్రపంచంలోనే అతి ఖరీదైన కారును స్వంతం చేసుకుని మరోసారి వార్తల్లోకెక్కాడు. ఫుట్‌బాల్‌ క్రీడలో పతకాలనే కాకుండా.. ప్రపంచంలోనే అత్యుత్తమ వాహనాలను స్వంతం చేసుకోవటం ఇతనికి అలవాటు. దీనిలో భాగంగా అతి ఖరీదైన ‘బుగాటీ లా వొయిట్యూర్‌’ కారును కొనుగోలు చేశాడు. విలాసవంతమైన కార్లకు ప్రసిద్ధి చెందిన బుగాటీ, ఇలాంటి కేవలం పది కార్లను మాత్రమే తయారు చేసిందట. కాగా, ఈ కారు విలువ ఇంచుమించు రూ.75 కోట్లు అని తెలిసింది. ఇది అత్యధికంగా గంటకు 380 కిలోమీటర్ల వేగంతో ప్రయాణించగలదట. అయితే ఈ కారు క్రిస్టియానో రోనాల్డో చేతికందేది మాత్రం 2021లోనే!

క్రిస్టియానో రోనాల్డో వద్ద ఇప్పటికే ఫెరారీ 599 జీటీఓ, లంబోర్గినీ అవెంటాడోర్‌ వంటి పలు అత్యాధునిక, ఖరీదైన కార్లు ఉన్నాయి. ఇతని గ్యారేజీలో ఉన్న కార్ల మొత్తం విలువ రూ.264 కోట్లకు పైమాటే అని సమాచారం. కార్లే కాకుండా, ఐదు క్యాబిన్లు, ఆరు బాత్‌రూంలు గల విలాసవంతమైన తెరపడవ (యాట్‌)ను కూడా రోనాల్డో గత సంవత్సరం స్వంతం చేసుకున్నాడు.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.