అవును.. ధోనీ రియల్ సూపర్ హీరో!
ఉద్యోగంలో కొనసాగాలా? క్రికెట్ కోసం పరుగెత్తాలా? అనే ప్రశ్నలను అతడ్ని ఎంతో వేధించాయి. ఊహ తెలిసినప్పటి నుంచి ఇష్టపడిన క్రికెట్ వైపే అతని పాదం కదిలింది. జులపాల జుట్టుతో వికెట్కీపర్గా భారత జట్టులో అడుగుపెట్టాడు....
ఉద్యోగంలో కొనసాగాలా? క్రికెట్ కోసం పరుగెత్తాలా? అనే ప్రశ్నలను అతడ్ని ఎంతో వేధించాయి. ఊహ తెలిసినప్పటి నుంచి ఇష్టపడిన క్రికెట్ వైపే అతని పాదం కదిలింది. జులపాల జుట్టుతో వికెట్కీపర్గా భారత జట్టులో అడుగుపెట్టాడు. అరంగేట్రం మ్యాచ్లోనే డకౌట్గా వెనుదిరిగాడు. పరిమితంగా వస్తున్న అవకాశాల కోసం ఎంతో ఎదురు చూశాడు. పాకిస్థాన్ మ్యాచ్లో శతకంతో చెలరేగాడు. అంతే.. యావత్ భారత్ ఒక్కసారిగా అతడి గురించి మాట్లాడుకోవడం మొదలుపెట్టింది. అతడు ఎవరో కాదు. భారత్ క్రికెట్ ముఖచిత్రాన్ని మార్చిన మహేంద్ర సింగ్ ధోనీ. క్రికెట్లో అపర చాణక్యుడిగా ఎన్నో ఘనతలు సాధించిన ధోని అంతర్జాతీయ ఆటకు శనివారం వీడ్కోలు పలికాడు.
2005లో ధోనీ పాకిస్థాన్పై 148 పరుగులు, శ్రీలంకపై 183* పరుగులు చేసిన ఇన్నింగ్స్లను క్రికెట్ అభిమానులు ఎన్నటికీ మరవలేరు. అలాంటి ధనాధన్ ఇన్నింగ్స్లతో తనకంటూ ఒక ప్రత్యేకమైన ఇమేజ్ను సృష్టించుకున్నాడు. 2007 వన్డే ప్రపంచకప్లో భారత జట్టు ఘోరంగా విఫలమైంది. ఆ తర్వాత 2007 టీ20 ప్రపంచకప్ సారథిగా ధోనీకి బాధ్యతలు అప్పగించారు. అందివచ్చిన అవకాశాన్ని అతడు సద్వినియోగం చేసుకున్నాడు. తొలి టీ20 ప్రపంచకప్ విజేతగా భారత్ను నిలబెట్టాడు. దీంతో అతడి అభిమానుల సంఖ్య తారాస్థాయికి పెరిగింది. అతడిలానే యువత హెయిర్ కట్ను అనుకరిస్తూ ధోనీని ఆరాధించారు. తర్వాత భారత్ జట్టుకు సంపూర్ణ సారథిగా మారాడు. అతిరథ మహారథులకు సాధ్యం కానీ ఎన్నో రికార్డులను సాధించాడు. 2009లో టెస్టుల్లో జట్టును అగ్రస్థానంలో నిలబెట్టాడు. 28 ఏళ్లుగా ఎదురుచూస్తున్న భారత అభిమానుల ప్రపంచకప్ కలను సాకారం చేశాడు. అంతేకాకుండా 2013లో ఐసీసీ ఛాంపియన్స్ ట్రోఫీని కూడా అందుకున్నాడు. భారత క్రికెట్లో సరికొత్త అధ్యయనాన్ని నెలకొల్పాడు.
అపర చాణుక్యుడు..!
ఇలా భారత క్రికెట్కు ఎన్నో మధురానుభూతులను అందించిన ధోనీకి కోట్లాదిమంది అభిమానులు ఉన్నారు. క్రికెట్ ప్రపంచంలో ఎవరీకి సాధ్యం కానీ ఫ్యాన్ ఫాలోయింగ్ అందుకున్నాడు ధోనీ. భారత జట్టులోని సభ్యులే కాదు, ప్రత్యర్థులు కూడా అతడికి అభిమానులే. అంతలా అభిమానాన్ని చూరకొనడానికి అతడి నడవడికే కారణం. నరాలు తెగే ఉత్కంఠ, ఒత్తిడిలోనూ అతడు చాలా ప్రశాంతగా ఉంటాడు. జట్టులో ఉన్న వనరులను ఎలా ఉపయోగించాలో అతడికే బాగా తెలుసు. ఏ ఆటగాడు ఎలా ఆడతాడు? అతడ్ని ఎలా బురిడి కొట్టించాలో ముందుగానే అతను పసిగట్టేస్తాడు. ఒక్క మాటలో చెప్పాలంటే క్రికెట్లో అతడో అపర చాణుక్యుడు. అంతేకాకుండా ధోనీ రివ్యూ వెళ్తే కచ్చితంగా ఆ ఫలితం అంపైర్కు వ్యతిరేకంగా వస్తుందనడంలో అతియోశక్తి లేదు. అలా వచ్చిన సందర్భాలు కోకొల్లాలు. అందుకే అతడి అభిమానులు డీఆర్ఎస్ను ధోనీ రివ్యూ సిస్టమ్గా పిలుచుకుంటారు.
ఎక్కడైనా అదే అభిమానం
అభిమానుల నుంచి ధోనీ ఎన్నో అనుభవాలు ఎదుర్కొన్నాడు. ధోనీని తాకాలని వారు మ్యాచ్ మధ్యలో మైదానంలోకి దూసుకొస్తుంటారు. కేవలం భారత్లోనే కాదు ఇతర దేశాల్లోనే ఇదే పరిస్థితి. అలా ఒక అభిమాని జాతీయ జెండాతో మైదానంలోకి వచ్చాడు. అభిమాని ధోనీ కాళ్లను తాకే క్రమంలో జాతీయ జెండా నేలను తాకబోతుండటాన్ని గమనించి రెప్పపాటులో త్రివర్ణ పతాకాన్ని తన చేతుల్లోకి తీసుకున్నాడు. టెరిటోరియల్ ఆర్మీ ప్యారాచూట్ రెజిమెంట్లో లెఫ్టినెంట్ కల్నల్ అయిన ధోనీ ఇలా తన దేశభక్తిని ఎన్నో సందర్భాల్లో చూపించాడు. ప్రపంచకప్లో దక్షిణాఫ్రికాతో జరిగిన మ్యాచ్లో అతను దేశభక్తితో బలిదాన్ గుర్తుతో గ్లోవ్స్ను ధరించాడు. కానీ ఐసీసీ గ్లోవ్స్ నిబంధనలకు వ్యతిరేకంగా ఉన్నాయని, వాటిని తొలగించాలని బీసీసీఐని కోరింది. అప్పుడప్పుడూ నేలపై పెట్టాల్సి వస్తుందని కీపింగ్ హెల్మెట్పై జాతీయ జెండా చిహ్నాన్ని అతడు ఉంచుకోడు. అంతేకాకుండా పద్మభూషణ్ను సైనికుడి దుస్తుల్లోనే అందుకున్నాడు. దేశంపై తన భక్తిని ఎన్నో సందర్భాల్లో చూపించిన ధోనీ స్వాతంత్ర్య దినోత్సవం రోజున రిటైర్మెంట్ ప్రకటించడం విశేషం.
సినిమాల్లో హీరోలు అసాధ్యాన్ని సుసాధ్యం చేస్తుంటారు. ఇక మార్వెల్స్ సూపర్ హీరోలు అయితే ఎన్నో విన్యాసాలు చేస్తుంటారు. కానీ ధోనీ నిజమైన సూపర్ హీరో. మైదానంలో ఎవరికీ సాధ్యం కాని ప్రదర్శన చేస్తాడు. రెప్పపాటులో వికెట్లను గిరాటేయడం, రనౌట్ చేసే సమయంలో వికెట్లను చూడకుండానే బ్యాట్స్మెన్ను బోల్తాకొట్టించడంలో అతడు సిద్ధహస్తుడు. అంతేకాదు ఆఖరి ఓవర్లో 30 పరుగులు చేయాలన్నా ధోనీ క్రీజులో ఉంటే ఒత్తిడి బౌలర్పైనే ఉంటుంది. అంతలా ఉంటుంది అతడి విధ్వంసం. అందుకే అభిమానులు అతడిని రియల్ సూపర్ హీరోగా పిలుచుకుంటారు.
అవును..ధోనీ రియల్ సూపర్హీరో
‘ఐరన్ మ్యాన్’లా ఎంతటి భయంకరమైన ప్రత్యర్థిని అయినా ధైర్యంగా ఎదుర్కొంటాడు!!
కొండంత లక్ష్యాన్ని అయినా ‘హల్క్’లా టార్గెట్ను బద్దలుకొడతాడు!!
ఎలాంటి బంతినైనా ‘థోర్’లా మెరుపు వేగంతో స్టాండ్స్కు తరలిస్తాడు..!!
ఓటమి అంచుల్లో ఉన్నా.. ‘కెప్టెన్ అమెరికా’లా గెలుపు కోసం ఆఖరి వరకు పోరాడి విజయాన్ని సాధిస్తాడు!!
అవును అతడు నిజమైన సూపర్ హీరో!!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అత్యంత ప్రభావశీలుర జాబితాలో సాక్షి
టైమ్ మ్యాగజైన్ 2024 అత్యంత ప్రభావవంతమైన వ్యక్తుల జాబితాలో భారత రెజ్లర్ సాక్షి మలిక్ చోటు దక్కించుకుంది. భారత రెజ్లింగ్ సమాఖ్య (డబ్ల్యూఎఫ్ఐ) మాజీ అధ్యక్షుడు బ్రిజ్భూషణ్ శరణ్ సింగ్పై పోరాటానికి గాను సాక్షికి ఈ గౌరవం లభించింది. -
భళా పంత్!.. అదరగొడుతున్న దిల్లీ కెప్టెన్
రోడ్డు ప్రమాదం కారణంగా 15 నెలల విరామం తర్వాత పంత్ మైదానంలో అడుగుపెడుతుంటే.. అతనెలా ఆడతాడో అని ఎన్నో సందేహాలు! కానీ ఈ ఐపీఎల్లో అతను అదరగొడుతున్నాడు. -
గుజరాత్ ఢమాల్
ఓవైపు ముంబయి ఇండియన్స్ కెప్టెన్ అయ్యాక హార్దిక్ పాండ్య తేలిపోతున్నాడు. మరోవైపు హార్దిక్ సారథ్యంలో గత రెండు సీజన్లలో అద్భుత ప్రదర్శన చేసిన గుజరాత్ టైటాన్స్.. అతను దూరమయ్యాక ఇబ్బంది పడుతోంది. -
ఒలింపిక్స్లో రష్యా అథ్లెట్లు ఉంటారా?
మరో వంద రోజుల్లోనే పారిస్ ఒలింపిక్స్ ఆరంభమవుతాయి. జులై 26న ప్రారంభోత్సవ వేడుకలు జరుగుతాయి. ఒలింపిక్స్ కోసం దేశాలన్నీ సిద్ధమవుతున్న తరుణంలో రష్యా ఈ మెగా క్రీడల్లో పాల్గొనడంపై సందిగ్ధత నెలకొంది. -
నరైన్ కోసం..
టీ20 ప్రపంచకప్ నేపథ్యంలో అంతర్జాతీయ రిటైర్మెంట్ వీడాలని సునీల్ నరైన్కు నచ్చజెప్పేందుకు ప్రయత్నిస్తున్నామని వెస్టిండీస్ కెప్టెన్ రోమన్ పావెల్ అన్నాడు. నరైన్ ఐపీఎల్లో కోల్కతా తరఫున విశేషంగా రాణిస్తోన్న సంగతి తెలిసిందే. -
షారుక్ను కలిసిన వేళ
యశస్వి జైస్వాల్.. ఇప్పుడీ యువ ఓపెనర్ పేరు తెలియని క్రికెట్ అభిమానులు ఉండరంటే అతిశయోక్తి కాదు. దూకుడైన ఆటతీరుతో ఎంతోమంది అభిమానులను అతను సంపాదించుకున్నాడు. -
శీతల్ మళ్లీ అదుర్స్
భారత సంచలన పారా ఆర్చర్ శీతల్ దేవి మళ్లీ అదుర్స్ అనిపించింది. రెండు చేతులు లేకపోయినా ఆర్చరీలో పతకాల పంట పండిస్తున్న ఈ 17 ఏళ్ల అమ్మాయి.. తాజాగా సాధారణ (అన్ని శరీర భాగాలు సక్రమంగా ఉన్న) ఆర్చర్లతో పోటీపడి మరీ సత్తాచాటింది. -
ఫైనల్లో దీప
భారత స్టార్ జిమ్నాస్ట్ దీప కర్మాకర్ జిమ్నాస్టిక్స్ ప్రపంచకప్ వాల్ట్ విభాగంలో ఫైనల్కు అర్హత సాధించింది. 30 ఏళ్ల దీప క్వాలిఫయింగ్ రౌండ్ తొలి వాల్ట్లో 12.5, రెండో వాల్ట్లో 13.066.. మొత్తంగా 12.783 సగటు స్కోరు సాధించి నాలుగో స్థానంలో నిలిచింది. -
శ్రీజ, మనిక పరాజయం
ఐటీటీఎఫ్ ప్రపంచకప్లో భారత టేబుట్ టెన్నిస్ క్రీడాకారిణులు ఆకుల శ్రీజ, మనిక బాత్రా పోరాటం గ్రూపు దశలోనే ముగిసింది. గ్రూపు దశలో ఒక్కో విజయం, ఓటమితో ద్వితీయ స్థానాల్లో నిలిచిన శ్రీజ, మనిక నాకౌట్కు అర్హత సాధించలేకపోయారు. -
ధోని, కోహ్లీని అనుకరించా: బట్లర్
భారీ లక్ష్యాన్ని ఛేదించడం కోసం భారత స్టార్లు మహేంద్రసింగ్ ధోని, విరాట్ కోహ్లీని అనుకరించినట్లు రాజస్థాన్ రాయల్స్ బ్యాటర్ జోస్ బట్లర్ అన్నాడు. గాయం కారణంగా పంజాబ్ కింగ్స్తో మ్యాచ్ ఆడలేకపోయిన బట్లర్..