Wresting: ఆ నిషా నేను కాదు..

సోనిపట్‌: హరియాణాకు చెందిన యూనివర్శిటీ స్థాయి రెజ్లర్‌ నిషా దహియాతో పాటు ఆమె సోదరుడు సూరజ్‌ హత్యకు గురి కావడం కలకలం రేపింది. అయితే ఇటీవల సెర్బియాలోని బెల్‌గ్రేడ్‌లో జరిగిన అండర్‌-23 ప్రపంచ ఛాంపియన్‌షిప్‌లో కాంస్యం గెలిచిన నిషా దహియా అనే మరో రెజ్లర్‌ హత్యకు గురైనట్లుగా మీడియాలో వార్తలు రావడంతో గందరగోళం నెలకొంది. ప్రపంచ స్థాయిలో సత్తా చాటిన నిషాను బుధవారం ప్రధాని నరేంద్ర మోదీ కూడా అభినందించారు. ఆ తర్వాత కొద్దిసేపటికే ఆ రెజ్లర్‌ హత్యకు గురైనట్లు వార్తలొచ్చాయి. కొన్ని గంటల తర్వాత ఆమె తనకేమీ కాలేదంటూ ఒక వీడియో రిలీజ్‌ చేసింది. రియో ఒలింపిక్స్‌లో కాంస్యం నెగ్గిన ప్రముఖ రెజ్లర్‌ సాక్షి మలిక్‌ కూడా ఆ వీడియోలో కనిపించింది. తాను ఉత్తరప్రదేశ్‌లోని గోండాలో జాతీయ ఛాంపియన్‌షిప్‌ కోసం సన్నద్ధమవుతున్నట్లు నిషా తెలిపింది. మరోవైపు సోనిపట్‌లో నిషా, అతడి సోదరుడి హత్యలకు సంబంధించి పోలీసులు విచారణ జరుపుతున్నారు.