Published : 14 Oct 2020 01:51 IST

మాక్సీ.. ఎందుకు రాణించడం లేదంటే!

దుబాయ్‌: ఇండియన్‌ టీ20 లీగులో తానెందుకు రాణించడం లేదో ఆసీస్‌ విధ్వంసకర ఆటగాడు మాక్స్‌వెల్‌ చెప్పాడు. జాతీయ జట్టుకు ఆడుతున్నప్పుడు తన పాత్రపై పూర్తి స్పష్టత ఉంటుందన్నాడు. అందుకే అంతర్జాతీయ క్రికెట్లో తాను విజయవంతం అవుతున్నానని వెల్లడించాడు. ఇక్కడ మాత్రం అలా లేకపోవడంతో ప్రదర్శనలో తేడా కనిపిస్తుందన్నాడు.

టీ20 లీగుకు ముందు జరిగిన ఇంగ్లాండ్‌ సిరీసులో మాక్సీ అదరగొట్టాడు. ఓ శతకమూ బాదేశాడు. యూఏఈలో మాత్రం భారీ ఇన్నింగ్స్‌లు ఆడలేకపోతున్నాడు. ఏడు మ్యాచుల్లో 14.50 సగటుతో 58 పరుగులు చేశాడు. ‘ఐపీఎల్‌, అంతర్జాతీయ కెరీర్‌ను పోల్చుకోకూడదు. అంతర్జాతీయ క్రికెట్ ఆడేటప్పుడు నా పాత్రపై పూర్తి స్పష్టత ఉంటుంది. నా ముందు, వెనకా ఎవరెవరు బ్యాటింగ్‌ చేస్తారో తెలుసు. యూఏఈలో మాత్రం నా పాత్ర ప్రతి మ్యాచ్‌కు మారుతుంది. ఇక్కడ ప్రతి పోరుకు ఆటగాళ్లు మారతారు. ఆస్ట్రేలియా తరఫున అలా కాదు. ఎక్కువగా ఒకే జట్టు ఉంటుంది’ అని మాక్సీ తెలిపాడు.

రెండు నెలల టోర్నీ అయినప్పుడు జట్టును అనేక సార్లు మారుస్తుంటారని మాక్సీ చెప్పాడు. సమతూకం దొరికే వరకు మార్పులు తప్పవని పేర్కొన్నాడు. తమ జట్టుకు ఇప్పుడిప్పుడే సమతూకం వస్తోందని వెల్లడించాడు. ఇప్పటికైతే టాప్‌ ఆర్డర్‌లో ఆడే అవకాశం లేదన్నాడు. తన ముందున్న నలుగురు బ్యాట్స్‌మెన్‌కు మద్దతుగా స్ట్రైక్‌ రొటేట్‌ చేయడమే తన పాత్రగా పేర్కొన్నాడు. యూఏఈ పిచ్‌లు ప్రస్తుతం నెమ్మదిస్తున్నాయని తెలిపాడు. ఆసీస్‌ తరఫున ఇక్కడ అంతర్జాతీయ క్రికెట్ ఆడిన అనుభవం ఉందని వెల్లడించాడు. గతంతో పోలిస్తే వికెట్లలో అనూహ్య మార్పులు కనిపిస్తున్నాయని తెలిపాడు. చాలా మ్యాచుల్లో పంజాబ్‌ గెలుపు దగ్గరికొచ్చి ఓడిపోవడం బాధాకరమని వెల్లడించాడు.

Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని