Updated : 15 Nov 2020 14:24 IST

‘D’ అంటే డీన్‌జోన్స్‌..

దివంగత క్రికెటర్‌కు పీఎస్‌ఎల్‌లో నివాళులు

ఇంటర్నెట్‌డెస్క్‌: కరోనా పరిస్థితుల కారణంగా ఈ ఏడాది మార్చిలో అర్ధాంతరంగా ఆగిపోయిన పాకిస్థాన్‌ సూపర్‌ లీగ్‌ ఎట్టకేలకు తిరిగి ప్రారంభమైంది. అప్పుడు లీగ్‌ దశ పూర్తికాగా కేవలం ప్లేఆఫ్స్‌ మాత్రమే మిగిలి ఉన్నాయి. ఇప్పుడు ఐపీఎల్‌ కూడా పూర్తవడంతో దాయాది దేశంలో మిగిలిన మ్యాచ్‌లు నిర్వహిస్తున్నారు. ఈ క్రమంలోనే శనివారం తొలి క్వాలిఫయర్‌లో ముల్తాన్‌ సుల్తాన్స్‌ x కరాచి కింగ్స్‌ తలపడ్డాయి. మరో మ్యాచ్‌లో లాహోర్‌ కలందార్స్‌ x పెషావర్‌ జాల్మీ పోటీపడ్డాయి. అయితే, మ్యాచ్‌కు ముందు ముల్తాన్‌, కరాచీ ఆటగాళ్లు ఆస్ట్రేలియా దివంగత క్రికెటర్‌ డీన్‌జోన్స్‌కు నివాళులర్పించారు.

ఐపీఎల్‌ సమయంలో ఓ క్రీడాఛానల్‌తో కలిసి పనిచేసేందుకు జోన్స్‌ భారత్‌కు వచ్చారు. సెప్టెంబర్‌ 19న యూఏఈలో మెగా టీ20 లీగ్‌ ప్రారంభమవ్వగా అదే నెల 24న  ముంబయిలోని ఓ స్టార్‌హోటల్‌లో ఆయన గుండెపోటుకు మృతిచెందాడు. ఈ నేపథ్యంలోనే పాకిస్థాన్‌ సూపర్‌ లీగ్‌ పునఃప్రారంభమైన వేళ ఆ రెండు జట్ల ఆటగాళ్లు, సహాయక సిబ్బంది అతడికి నివాళులర్పించారు. D అనే ఆకారంలో నిలబడి శ్రద్ధాంజలి ఘటించారు. కాగా, ఈ వీడియోను పీఎస్‌ఎల్‌ నిర్వాహకులు సామాజిక మాధ్యమాల్లో పంచుకోవడంతో క్రికెట్‌ అభిమానులు పెద్ద ఎత్తున లైక్‌ చేశారు. కాగా, డీన్‌‌ 1984 నుంచి 1992 వరకు 8 ఏళ్ల పాటు అంతర్జాతీయ క్రికెట్‌లో తనదైన ముద్ర వేశాడు. మొత్తం 52 టెస్టులు, 164 వన్డేలాడాడు. టెస్టుల్లో 46.55 సగటుతో 3,631 పరుగులు చేయగా, వన్డేల్లో 44.61 సగటుతో 6,068 పరుగులు సాధించాడు.


Read latest Sports News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని