Chess: సత్తా చాటిన అర్జున్‌

రిగా (లాత్వియా): లిండోరెస్‌ అబే బ్లిట్జ్‌ చెస్‌ టోర్నమెంట్లో తెలంగాణ కుర్రాడు అర్జున్‌ ఇరిగేసి మూడో స్థానంలో నిలిచాడు. అతడు 18 రౌండ్లలో 13.5 పాయింట్లు సాధించాడు. అర్జున్‌ మొత్తం 13 గేముల్లో నెగ్గాడు. దీంతో ప్రపంచ టాప్‌-30 ర్యాంకింగ్‌లోకి ప్రవేశించిన 18 ఏళ్ల అర్జున్‌.. తన ఎలో రేటింగ్‌ను 2723కు పెంచుకున్నాడు. ఈ ఒక్క టోర్నీ ద్వారానే అతడు 107.2 పాయింట్లు ఖాతాలో వేసుకోవడం విశేషం. మూడో స్థానంలో నిలవడం ద్వారా అతడు 6 వేల డాలర్ల ప్రైజ్‌మనీ కూడా దక్కించుకున్నాడు.